ఏ దేశమేగినా,ఎందు కాలిడినా మన తెలుగువారు లేని ప్రదేశము లేదంటే అతిశయోక్తి
కాదేమో.జీవన అవకాశాల కోసం వివిధ దేశాలకు వెళ్ళి,వెళ్ళిన చోట తమ కష్టించే
తత్వం మరియు ప్రతిభా పాటవాలతో అనతి కాలంలోనే ప్రత్యేక గుర్తింపు
తెచ్చుకోవడంలో తెలుగు వారికి సాటి లేదు.ఈరోజుల్లో ప్రపంచంలో ప్రసిధ్ధి
చెందిన ఏ ప్రాజెక్టును తీసుకున్నా వాటిలో తెలుగు వారి పాత్ర లేని
ప్రాజెక్టు మనకు కనిపించదు.అలాగే సాఫ్ట్వేర్ రంగంలో కూడా మన వారు ఎన్నో
ఉన్నత శిఖరాలని అధిరోహించినారు.మన వారు తయారు చేసిన సాఫ్ట్వేర్లు,వారి
సేవలు లేని దేశాలు బహుషా లేకపోవచ్చు.ఇన్ని విశిష్టతలు గల మనం స్వేచ్చా
సాఫ్ట్వేర్ల వినియోగం మరియు వాటి అభివృధ్ధిలో గణనీయంగా వెనకబడి ఉన్నాం అని
చెప్పడంలో సంధేహం లేదు.ఎందుకో మనలో స్వేచ్చా,ఉచిత సాఫ్ట్వేర్లంటే కొంత
చిన్న చూపు ఉందని అనిపిస్తుంది.సమాజం కొరకు సమాజమే సాఫ్ట్వేర్లు తయారు
చేసుకొని తిరిగిసమాజమే వాటిని ఉచితంగా వాడుకోవడం వలన ప్రజల,ప్రభుత్వాల
సొమ్ము ఎంత ఆదా అవుతుంది.ఒక్క కేరళ లోనే కేవలం పాఠశాలల విషయం లోనే
స్వేచ్చా,ఉచిత సాఫ్ట్వేర్లు వాడడం వలన కొన్ని కోట్ల విలువైన ప్రజాధనం ఆదా
అయితే ఇక పూర్తి భారతదేశం విషయానికి వస్తే మరెంత ఆదా అవుతుంది.కేవలం అవగాహన
లేకపోవడం వలన చాలా మంది వ్యక్తిగత ధనం కూడా వృధా చేసుకుంటున్నారు.
నిధానంగా సాగుతున్న స్వేచ్చా,ఉచిత సాఫ్ట్వేర్ల అభివృద్ధి తెలుగువారి
ప్రవేశంతో వేగవంతమవుతుందని నా బలమైన నమ్మకం.కనుక తెలుగు సాఫ్ట్వేర్
వీరులారా సొంత లాభం కొంత మానుకోకుండా కొంత సమయం మాత్రమే కేటాయించి సరికొత్త
సాఫ్ట్వేర్ విప్లవంలో మీరుకూడా పాలుపంచుకోండి.
ఇది మన సంగతి
మన రాష్ట్రంలో ప్రభుత్వం కంప్యూటర్ విధ్యను వాణిజ్య సాఫ్ట్వేర్లతో అందిస్తుంది. ఒక
కంప్యూటర్ను కొనటానికయ్యే ఖర్చుతో సమాంతరంగా సాఫ్ట్వేర్ కొనటానికి కూడా
ఖర్చు కావడం వలన ప్రభుత్వ వ్యయంలో సగానికి సగం కేవలం సాఫ్ట్వేర్
కొనటానికి ఖర్చవుతున్నది. ఇలా సాఫ్ట్వేర్ల కోసం కోట్ల విలువైన ప్రజాధనం వృధా అవుతుంది. వీటి నిర్వహణను కొందరు గుత్తేదారులకు అప్పగించి
వారికి డబ్బును చెల్లిస్తున్నది. అక్కడ టీచర్లుగా పని
చేస్తున్న వారికి జీత బత్యాలు సైతం సరిగా ఇవ్వట్లేదు, ఇస్తున్నవి కూడా మరీ
తక్కువగా ఉన్నాయి. అందువలన వారు తరచుగా సమ్మె చేయడం కూడా జరుగుతుంది. మన రాష్ట్రంలో కూడా వాణిజ్య సాఫ్ట్వేర్ల స్థానంలో స్వేచ్ఛా సాఫ్ట్వేర్లను ఉపయోగించి విలువైన ప్రజాధనం వృధా కాకుండా చేయవచ్చు. సాఫ్ట్వేర్ల కొరకు ఖర్చు చేస్తున్న కోట్లాది రూపాయిల
వ్యయాన్ని ఉపాధి కల్పనకు కంప్యుటర్ టీచర్ల జీత భత్యాలకొరకు ఖర్చు చేస్తే బాగుంటుంది. ఈ పద్దతిని అభివృద్ది చెందిన దేశాలైన జర్మనీ,ఫ్రాన్సు, అభివృద్ది
చెందుతున్న దేశాలయిన బ్రెజిల్, వెనిజూలా, చైనా వంటి దేశాలే అమలు
చేస్తున్నాపుడు, నిత్యం నిధుల కొరతతో సతమవుతున్న మన దేశ,రాష్ట్రా ప్రభుత్వాలు ఎందుకు అమలు జరపలేక పోతున్నాయన్నదే సందేహం.
కేరళ కధ
కేరళలో స్వేచ్ఛా సాఫ్ట్వేర్లతోనే కంప్యూటర్ విద్యా పాఠాలను నేర్పుతున్నారు. తొలుత మైక్రోసాఫ్ట్ సాఫ్ట్వేర్లతో పాఠాలు చెప్పేవారు. అక్కడి టీచర్ల సంఘమైన కేరళ స్కూల్
టీచర్స్ అసోసియేషన్ కృషి ఫలితంగా మాత్రమే ఇది సాధ్యమైంది. అక్కడ టీచర్లు స్వేచ్ఛా సాఫ్ట్వేర్లను అధ్యయనం చేసి ఇతర టీచర్లకు తర్ఫీదిచ్చారు. పాఠశాలకి
అవసరమయ్యే సాఫ్ట్వేర్లతో కూడిన ఒక సి.డి ని స్వేచ్ఛా సాఫ్ట్వేర్ ఉద్యమకారులు
తయారు చేసి ఇచ్చారు. ఈ ప్రక్రియని ఆపటానికి మైక్రోసాఫ్ట్ కంపెనీ అనేక
ఎత్తుగడలేసింది. టీచర్లను ట్రెయిన్ చేసిన మాస్టర్ ట్రెయెనర్లకు అమెరికావెళ్ళే అవకాశంతో పాటు భారీ మొత్తంలో నగదు బహుమతులను కూడా ప్రకటించింది.
వీటినన్నింటినీ తిరస్కరించి ఒక మంచి సాంప్రదాయానికి శ్రీకారం చుట్టటంలో ఒక
ముఖ్య పాత్ర పోషించింది కేరళ స్కూల్
టీచర్స్ అసోసియేషన్. నేడు కేరళలో 1,10,000 మంది టీచర్లు తర్ఫీదు
పొంది ఉన్నారు,మొత్తం 6000 స్కూళ్ళకు గానూ 4000 స్కూళ్ళలో 90000
కంప్యూటర్లున్నాయి. వీరు కేవలం కంప్యూటర్ విద్యనందిస్తున్నారనుకుంటే పొరపాటే,కంప్యూటర్ ఆధారిత విధ్యాబోధనా పద్దతులను ప్రారంభించారు. గణితంలో
థేల్స్ థియరం కానీ, పైథాగరస్ థియరం కానీ ఏ థియరం అయినా దానిని ప్రదర్శన చేయటానికి సాఫ్ట్వేర్లున్నాయి. విశ్వాన్ని కంప్యూటర్లో చూపగల స్టెల్లారియం
సాఫ్ట్ వేర్తో ఏకంగా మన పాల పుంతని, సౌర కుటుంబాన్ని, అంతరిక్షంలోని
అన్ని నక్షత్రాలను, అఖరుకి సూర్యుని తర్వాత అతి సమీపంలో ఉన్న అల్ఫా సెంటౌరీ
నక్షత్రాన్ని సైతం చూపగలరు. విద్యార్థులకు ఒక కొత్త ఒరవడిని, విజ్ఞాన్ని
పంచుకునే సాంప్రదాయాన్ని నేర్పటమే కకుండా వీరు ఆదా చేసిన ప్రజల డబ్బు ను
షుమారు 180 కోట్ల వరకు ఆదా చేయకలిగారు. ఒక సారి కంప్యూటర్ కొన్నాక దానిని
ప్రతి మూడు లేదా నాలుగు సంవత్సరాలకోసారి మార్చుకోవాల్సి ఉంటుంది. అంటే
ప్రతి మూడు లేదా నాలుగు సంవత్సరాలకొకసారి ఇంత డబ్బును దుబారాకాకుండా
చూస్తున్నారు.బాధ్యతతో భావి తరం నిర్మించే టీచర్లము మేమే అనే
సాంప్రదాయానికి ఆదర్శంగా నిలచి, జాతీయోద్యమంలోనే కాదు, సమాచార విప్లవంలో
సైతం ఈ సాంప్రదాయాన్ని కొనసాగిస్తాం అంటూ నడిచింది కేరళ స్కూల్
టీచర్స్ అసోసియేషన్. వీరందిస్తున్న
విద్య నాణ్యమైనది కావటంతో బ్రెజిల్, వినిజూలా వంటి అనేక దేశాలు దీనిని ఆదర్శంగా తీసుకుని ముందుకు సాగుతున్నాయి. ఈ ప్రక్రియనంతా IT@schools
ద్వారా నడుపుతున్నారు. గత నాలుగు సంవత్సరాల్లో నాలుగు అవర్డులు సాధించింది
IT@schools. నేషనల్ ఈ గవర్నేన్స్ అవార్డు, ప్రపంచ ప్రఖ్యాతి గాంచిన ODF
అవార్డును కూడా కైవసం చేసుకున్నారు.
మరి మన సంగతి?
మరి మన సంగతి?
మనకు నచ్చినట్లు సొంతంగా ఆపరేటింగ్ సిస్టము తయారుచేసుకోగలిగితే
సాధారణంగా స్వేచ్ఛా సాఫ్ట్వేర్లను గురించి మాట్లాడుకొనేటప్పుడు ఉచితంగా లభించును,నచ్చిన వారితో పంచుకోవచ్చు, ఇష్టం వచ్చినట్లు మార్చుకోవచ్చు అని విని ఉంటాము. మొదటి రెండు పనులు సాధారణంగా జరుగును.కానీ చివరిదైన ఇష్టం వచ్చినట్లు మార్చుకోవడం కొంత శ్రమతో కూడిన పని కానీ కష్టమేమి కాదు.ఇక ఉబుంటు విషయానికొస్తే మనం చాల సులభంగా ఉబుంటుని లేదా లినక్స్ మింట్ ఆధారంగా చేసుకొని మరొక ఆపరేటింగ్ సిస్టమును తయారుచేసుకోని ఎవరితోనైనా పంచుకోవచ్చు. లినక్స్ ఆపరేటింగ్ సిస్టములను మార్చుకోవడానికి పలురకాల అనువర్తనాలు ఉన్నప్పటికిని ఉబుంటు బిల్డర్ అను అనువర్తనము సులభంగా ఉంటుంది.తక్కువ సాంకేతిక నైపుణ్యము కలవారు కూడా దీనిని సులభంగా ఉపయోగించవచ్చు. ఉబుంటు బిల్డర్ వాడే విధానమును ఇక్కడ తెలుసుకోండి.
కావలసినవి:
- ఉబుంటు బిల్డర్ ఇన్ స్టాల్ చేయబడిన ఉబుంటు కంప్యూటర్.
- ఉబుంటు ఇన్స్టాలేషన్ iso.
- అంతర్జాల అనుసంధానము.
- కొంత కమాండ్ లైన్ పరిజ్ఞానము.
ఉపయోగాలు:
- మనమే సొతంగా ఒక లినక్స్ పంపిణీని విడుదల చేయవచ్చు.
- మన సహచరులకి ఉపయేగపడే అనువర్తనలన్ని కలిపి ఒక ఆపరేటింగ్ సిస్టము తయారుచేసి వారితో పంచుకోవచ్చు.
- ముందే కావలసిన అన్ని అనువర్తనలన్ని(మల్టీ మీడియా కోడాక్ లను కూడా) ఉంచి తయారు చేస్తే అంతర్జాల అనుసంధానము లేనివారు కూడా అన్ని అనువర్తనలు వాడుకోవచ్చు.
- స్తానిక భాషలలో కూడా ఆపరేటింగ్ సిస్టము తయారుచేసుకోవచ్చు.
- వాడుకరి ప్రాధాన్యతలను బట్టి(పాఠశాలలకు,సంస్థలకు,ప్రోగ్రామర్లకు ఇవిధంగా ఎవరి అవసరాన్ని బట్టి వారికీ తగిన అనువర్తనాలను ఉంచి)ఆపరేటింగ్ సిస్టము తయారుచేయవచ్చు.
తెలుగు చదవలేక పోతున్నారా?
తెలుగు మరియు ఇతర భారతీయ భాషలకి సంభందించిన వెబ్ సైట్లు అర్ధంకాని అక్షరాలతో గజిబిజిగా కనిపించినపుడు మనం చాలా సులభంగా ఆ సమస్యని పరిష్కరించుకోవచ్చు.పద్మ అను ఫైర్ ఫాక్స్ యాడ్ అన్ ని మనం ఇన్ స్టాల్ చేసుకొని అటువంటి సైట్లను ఎటువంటి ఇబ్బంది లేకుండా చూడవచ్చు.ఈ యాడ్ అన్ వాణిజ్య ఫాంట్లలో ఉన్న భారతీయ భాషల అక్షరాలను యునికోడ్ రూపంలోకి మార్చి మనకి చూపించును.ఈ యాడ్ అన్ తెలుగు ,తమిళం ,మలయాళం, దేవనాగరి,గుజరాతి ,బెంగాలి మరియు గుర్మికి లిపులకు మద్దతునిచ్చును.దీనిని తెలుగువాడయిన నాగార్జున వెన్న తయారుచేయడం విశేషం.
పద్మ ఫైర్ ఫాక్స్ యాడ్ అన్
గూగుల్ ని ఇలా కూడా వాడుకోవచ్చు
మీకుతెలుసా గూగుల్ లో సైంటిఫిక్ కాలిక్యులేటర్ దాగుందని,దానికి ఏదైనా ఒక లెక్కని ఆహారంగా వేస్తె అది బయటకువస్తుందని.
అర్ధంకాలేదా?
గూగుల్ సెర్చ్ లో ఏదైనా ఒక లెక్కని(ఉదా:1+1)ఇచ్చి సెర్చ్ నొక్కినపుడు సైంటిఫిక్ కాలిక్యులేటర్ వస్తుంది.దీనిని ఎంచక్కా కాలిక్యులేటర్ లా వాడుకోవచ్చు.
అంతేకాకుండా గూగుల్ సెర్చ్ లో weather అని ఇచ్చి సెర్చ్ చేస్తే మొదటి ఫలితంగా మనం ఉన్న ప్రదేశం యొక్క వాతావరణాన్ని చూపిస్తుంది.
అర్ధంకాలేదా?
గూగుల్ సెర్చ్ లో ఏదైనా ఒక లెక్కని(ఉదా:1+1)ఇచ్చి సెర్చ్ నొక్కినపుడు సైంటిఫిక్ కాలిక్యులేటర్ వస్తుంది.దీనిని ఎంచక్కా కాలిక్యులేటర్ లా వాడుకోవచ్చు.
అంతేకాకుండా గూగుల్ సెర్చ్ లో weather అని ఇచ్చి సెర్చ్ చేస్తే మొదటి ఫలితంగా మనం ఉన్న ప్రదేశం యొక్క వాతావరణాన్ని చూపిస్తుంది.
లినక్స్ లో గేమింగ్
విండోస్ తో పోల్చితే లినక్స్ లో గేమింగ్ లో చాల వెనకబడి ఉందన్నది వాస్తవం.ఈ పరిస్థితి తొందరలోనే మారబోతుంది అన్న దానికి సంకేతంగా ప్రముఖ కంప్యూటర్ ఆటల తయారీదారులు అయిన ఇ.ఎ.స్పోర్ట్స్ మరియు వాల్వ్ సంస్థలు లినక్స్ ఆపరేటింగ్ సిస్టముల కి కూడా ఆటల తయారీని ప్రారంభించినట్లు ప్రకటించారు.
మీరు కంప్యూటర్ ఆటల ప్రియులా అయితే ఉబుంటు మరియు ఇతర లినక్స్ ఆపరేటింగ్ సిస్టము పై ఆడదగిన ఆటల గురించిన విశేషాలను మరియు ఉబుంటుకి సంబందించిన విశేషాలను అందించే ఈ వెబ్ సైటు మీకు తప్పక ఉపయోగపడుతుంది.
ఉబుంటు వైబ్స్
ఒపెన్ సోర్స్ DTP సాఫ్ట్వేర్
స్క్రైబస్ అను స్వేచ్చా సాఫ్ట్వేర్ పేజ్ మేకర్ లాంటి వాణిజ్య సాఫ్ట్వేర్లకు ప్రత్యామ్నాయ డెస్క్ టాప్ పబ్లిషింగ్ సాఫ్ట్వేర్. స్క్రైబస్ ని ఉపయోగించి కరపత్రాలు,వార్తాపత్రికలు మరియు ప్రచార చిత్రాలు వంటి వాటిని రూపొందించవచ్చు.అధునాతన ప్రచురణకు కావలసిన హంగులన్ని దీని సొంతం.అంతేకాకుండా దీని వాడకాన్ని గురించి వివరించే ట్యుటోరియళ్ళు అంతర్జాలంలో సులభంగా దొరుకుతాయి.ఇది విండోస్,మాక్ మరియు లినక్స్ ఆపరేటింగ్ సిస్టముల నందు పనిచేస్తుంది. స్క్రైబస్ ని ఉచితంగా ఇక్కడ నుండి దిగుమతి చేసుకోవచ్చు. తొందరలోనే స్క్రైబస్ లో తెలుగు మద్దతును చేర్చబోతున్నారు.
సులభంగా చూసి నేర్చుకోవచ్చు
వాణిజ్య సాఫ్ట్వేర్లకు దీటయిన ఎన్నో స్వేచ్చా సాఫ్ట్వేర్లు ఈనాడు మనకి అందుబాటులో ఉన్నాయి.వాటి గురించి తెలియక పోవడం వలన,వాడేవిధానము తెలియక మరియు వాణిజ్య సాఫ్ట్వేర్లకు అలవాటు పడడం వలన స్వేచ్చా సాఫ్ట్వేర్లు ఆదరణ పొందలేక పోతున్నాయి.షోమీడు.కామ్ లో ప్రముఖ స్వేచ్చా సాఫ్ట్వేర్లు వాడే విధానమును గురించి సవివరంగా,సులభంగా అర్ధమయ్యే వీడియో ట్యుటోరియళ్ళ రూపంలో అందుబాటులో ఉంచారు.ఆసక్తి గలవారు షోమీడు.కామ్ లో వీడియో ట్యుటోరియళ్ళు చూడవచ్చు,డౌన్లోడ్ చేసుకోవచ్చు.అంతేకాకుండా మనం తయారు చేసిన ట్యుటోరియళ్ళను కూడా ఇక్కడ ఉంచవచ్చు.
ఫోనులో డెస్క్ టాప్
ప్రముఖ ఓపెన్ సోర్స్ మొబైల్ ఫోన్ ఆపరేటింగ్ సిస్టము అయిన ఆండ్రాయిడ్ లినక్స్ కర్నెలు పై నిర్మించబడినది. అలాగే ఓపెన్ సోర్స్ డెస్క్ టాప్ ఆపరేటింగ్ సిస్టము అయిన ఉబుంటు కూడా లినక్స్ కర్నెలు పైన నిర్మించబడినది.ఉబుంటుని తయారుచేసిన కనోనికల్ లిమిటెడ్ వారు ఆండ్రాయిడ్ ఫోను(తో)లో ఉబుంటు డెస్క్ టాప్ ని కంప్యూటెక్స్ 2012 లో ప్రదర్శించారు.ఆండ్రాయిడ్ ఫోనుని మానిటర్ కి అనుసందానించినపుడు ఉబుంటు డెస్క్ టాప్ ఆవిశ్కృతమౌతుంది.ఇంకా చెప్పాలంటే మన ఆండ్రాయిడ్ ఫోను మానిటర్ కి తగిలించినపుడు ఉబుంటు ఇన్ స్టాల్ చేయబడిన సిపియు గా పనిచేస్తుంది.యు.యస్.బి కీ బోర్డ్ మరియు మౌస్ ను ఉపయోగించి సాధారణ డెస్క్ టాప్ కంప్యుటర్ వలే పనిచేసుకోవచ్చు.
నమ్మశక్యం గా లేదా కంప్యూటెక్స్ 2012 లో ప్రదర్శించిన ఆండ్రాయిడ్ కోసం ఉబుంటు వీడియోని చూడండి.మరిన్ని వివరాలకు ఆండ్రాయిడ్ కోసం ఉబుంటు ని చూడండి.
ఒపెన్ సోర్స్ కంప్యూటర్లు
కేవలం ఉబుంటు ఆపరేటింగ్ సిస్టం ఆధారంగా కంప్యూటర్లను తయారుచేసే సంస్థ సిస్టం 76.సిస్టం 76 వారు ఉబుంటు లాప్ టాప్,డెస్క్ టాప్ మరియు సర్వర్లను విడుదలచేసారు.ఆసక్తి కలవారు సిస్టం 76 సైటు నందు కంప్యూటర్లను కొనుగోలు చేయవచ్చు.
ఫైర్ ఫాక్స్ మొబైల్ ఆపరేటింగ్ సిస్టం
మరో ఒపెన్ సోర్స్ మొబైల్ ఆపరేటింగ్ సిస్టం రాబోతుంది.ప్రముఖ ఒపెన్ సోర్స్ వెబ్ బ్రౌసర్ అయిన ఫైర్ ఫాక్స్ ని తయారుచేసిన సంస్థ దీనిని రూపొందిస్తుంది.లాభాపేక్ష లేని సంస్థ అయిన మొజిల్లా ఫౌండేషన్ వారు వచ్చే సంవత్సర ఆరంభానికి ఫైర్ ఫాక్స్ మొబైల్ ఆపరేటింగ్ సిస్టం పేరుతో అందుబాటులోకి తేనున్నారు.మొజిల్లా ఫౌండేషన్ వారి బూట్ టు గికో ప్రాజెక్ట్ దీనికి ఆధారం.ఈ మొబైల్ ఆపరేటింగ్ సిస్టం పూర్తిగా ఒపెన్ సోర్స్ విధానంలో లినక్స్ కర్నేల్ పై,పూర్తిగా HTML5 తో దిగువ శ్రేణి స్మార్ట్ ఫోనులలో కూడా సమర్ధవంతంగా పనిచేసేవిధంగా నిర్మించబడుతుంది.ఇప్పటికే రెండు మొబైల్ తయారి సంస్థలతో,ఏడు సర్వీస్ ప్రొవైడర్ సంస్థలతో ఒప్పందం జరిగింది.
మరిన్ని వివరాలకు మొజిల్లా బ్లాగును చూడండి.
మొదటి భారతీయ ఒపెన్ సోర్స్ కంప్యూటర్లు
మొదటి సారిగా ఒక భారతీయ సంస్థ ఉబుంటు ఆదారిత కంప్యూటర్లని విడుదల చేసింది.నీం కంప్యుటేక్ ప్రేవెట్ లిమిటేడ్ వారు ఉబుంటు లాప్ టాప్,డెస్క్ టాప్ మరియు సర్వర్లను తయారుచేస్తున్నారు.మరిన్ని వివరాలకు నీం కంప్యుటేక్ సైటు ను చూడండి.కొనుగోలు చేయడానికి నీం కంప్యుటేక్ ఆన్లయిన్ దుకాణమును చూడండి.
స్వేచ్చా సాఫ్ట్వేర్ల కూడలి
స్వేచ్చా సాఫ్ట్వేర్ల అభివృద్ధిలో పాలుపంచుకోవలనుకోను ఔత్సాహికులకు చక్కని వేదిక లాంచ్ పాడ్.నెట్.మనం ఇక్కడ ఉచితంగా ఒక సాఫ్ట్వేర్ ప్రాజెక్ట్ ను మొదలుపెట్టి,అభివృద్ధి చేయవచ్చు.దానికి ప్రాచుర్యం కల్పించి కమ్యూనిటి సహాయం పొందడం ద్వారా మన సాఫ్ట్వేర్ అభివృద్ధి ని వేగవంతం చేయవచ్చు.వివిధ భాషలలోకి అనువదించడం వలన మన సాఫ్ట్వేర్ని వాడేవారి సంఖ్య పెంచవచ్చు. అంతేకాకుండా మనం కూడా ఇతర సాఫ్ట్వేర్ల అభివృద్ధి ని గమనించవచ్చు.వారి సహాయం కోరవచ్చులేదా వారికి సహాయం చేయవచ్చు.
లాంచ్ పాడ్.నెట్ విశిష్టతలు:
- కోడ్ హోస్టింగ్
- బగ్ ట్రాకింగ్
- కోడ్ రివ్యు
- అనువాదాలు
- మెయిలింగ్ లిస్ట్
- ప్రశ్నలు,జవాబుల ట్రాకింగ్
ఆపరేటింగ్ సిస్టములు దొరుకు చోటు
లినక్స్ ఆపరేటింగ్ సిస్టములు ఆయా సైట్ ల నుండి ఉచితంగా డౌన్లోడ్ చేసుకోవచ్చు. సాధారణంగా ఆపరేటింగ్ సిస్టములు ఇమేజ్ ఫైల్(.ISO) రూపంలో సుమారుగా 600 యం.బి లేదా అంతకంటే ఎక్కువ పరిమాణంతో ఉంటాయి.వాటిని డౌన్లోడ్ చేసుకోని సీడీ/డీవిడి/పెన్ డ్రైవ్ ల ద్వారా మనం ఇన్ స్టాల్ చేసుకోవచ్చు.ఆపరేటింగ్ సిస్టముల ఇమేజ్ ఫైళ్ళను నేరుగా డౌన్లోడ్ చేసుకోవడానికి వేగవంతమైన అంతర్జాల అనుసందానము అవసరము.మధ్యలో అంతరాయము కలిగితే అప్పటి వరకు దిగుమతి అయినదంత వృధాఅవుతుంది.కనుక ఇటువంటి పెద్ద పరిమాణం గల ఫైళ్ళను దిగుమతి చేసుకోవడానికి మనం సాధారణంగా టొరెంట్ల పై ఆధారపడుతాము.చాల లినక్స్ ఆపరేటింగ్ సిస్టములు టొరెంట్ లంకెను కూడా అందుబాటులో ఉంచుతారు.ఒకవేళ ఏదైనా లినక్స్ ఆపరేటింగ్ సిస్టము టొరెంట్ దొరక్కపొతే లినక్స్ ట్రాకర్.ఆర్గ్ ని చూడండి.ఇక్కడ అన్ని లినక్స్ ఆపరేటింగ్ సిస్టముల టొరెంట్లు దొరుకుతాయి.
కొత్త అనువర్తనాలు రాబోతున్నాయి
ఉబుంటు అనువర్తనాల తయారీ పోటిలో మొత్తం 150 అనువర్తనాలు వచ్చాయి.వాటిలో 132 అనువర్తనాలు తదుపరి దశకు ఎంపిక కాబడినవి.వాటినుండి న్యాయనిర్ణేతలు విజేతలను ఎంపిక చేసి ఈ నెల 23న ప్రకటిస్తారు.విజేతలకు సిస్టం 76 లాప్ టాప్ మరియు నోకియా N9 బహుమతులుగా అందజేయబడతాయి.అ తరువాత ప్రజా నిర్ణయం ఉంటుంది. విజేతలకు నోకియా N9 బహుమతులుగా అందజేయబడతాయి.అంతేకాకుండా అనువర్తనాలు అన్ని ఉబుంటు సాఫ్ట్వేర్ సెంటర్ నందు అందుబాటులో ఉంటాయి.తదుపరి దశకు ఎంపిక కాబడిన అనువర్తనాలని క్రింద చూడవచ్చు.
- Alg3py
- Anagram Finder
- Anagram Solver
- Armorforge
- BlubPhone
- Centric
- Circle
- Cookety
- Cuckoo
- Cuttlefish
- Dark Secret Software
- DayJournal
- Deltify
- Desktop App for Facebook
- DeskWiki
- Dime Calc
- Discuvr
- DoStuff
- Download Monitor
- Easy Stopwatch
- F5 Notifier
- Fcm-it-app
- FlashBox
- FlashGen
- Fogger
- Format Junkie
- Full Circle Bookshelf
- Gnome Modem Manager
- Gr8s
- GWOffice
- Hackwork
- Harmony Organiser
- Holeg
- Houston
- HumanTask
- Indicator Odometer
- Indicator Remindor
- Interest Calculation
- Ivolution
- Journey
- jpiiIRC
- kenny
- Klout
- Koza
- Kping
- Kwikly
- Labtools
- LiberEdit
- Lightread
- Lockbox
- Manga Reader
- Maps
- Mass Renamer
- MenuLibre
- Minicast
- MirrorCam
- Miv
- Modem Manager GUI
- Monxcleyr Soundboard
- My Shortcuts
- MyAgenda
- Nitroshare
- Notifis
- Nudge
- Nulloy Music Player
- Number Tic-Tac-Toe
- Open Macro Generator
- OrthCal
- Parcel Tracker
- Password Generator & Memorizer
- Picsaw
- Pictag
- Pictoric
- Pingdom Indicator
- Positive
- Postman
- PPA Software Center
- Protoborsa
- Ptnotes
- pyCounter
- PYEnglish
- PyMi
- Python Trainer
- Qtiko
- QTranscribe
- Quickly GTK
- Radiowave
- RedThat
- Rfus
- Ridual
- Roundball
- Sbk – Settings Backup
- Shopping Calculator
- ShowMyFaves
- Slidewall
- SmartShine Photo
- Smiler
- Snare
- Spellathon
- Sprite Creator
- Src-Install
- Stacklens
- Switz
- Tastebook
- Temperature Converter
- Tickit
- TicTacToe
- TimeControl
- Timesheet Widget for Harvest
- Trading Cards
- Trip Planner
- TubeReply
- Tuxxit
- Ubatar
- UberWriter
- Ubuntu Application Manager
- Ubusound
- Unity bookmarks
- Unity Launcher Toggle
- UTrails
- V2aconverter
- Variety
- Virtuam
- Wake on Plan
- Web Form-er
- Webbar
- Wiimap
- WikiTron
- WinConn
- Wizz RSS – Ubuntu
- XKCD Browser
- Zlizer
ఒపెన్ సోర్స్ మాయాజాలం
మొదట క్రింది విడియోని చూసి ఆనందించండి.
ఈ అద్బుతమైన చిట్టి యానిమేషన్ వీడియోని పూర్తిగా ఒపెన్ సోర్స్ సాఫ్ట్ వేర్లని ఉపయోగించి బ్లెండర్.ఆర్గ్ వారు నిర్మించారు.చలనచిత్రం చివరలో నిర్మాణంలో ఉపయోగించిన సాఫ్ట్ వేర్ల పేర్లని కూడా మనం గమనించవచ్చు.
బ్లెండర్ అనేది 3D చిత్రాలను తయారుచేయడానికి ఉపయోగించే ఉచిత ఒపెన్ సోర్స్ అనువర్తనము. యానిమేషన్ సినిమాలు,ఆటలు నిర్మించడానికి కావలసిన చిత్రాలను బ్లెండర్ ని ఉపయోగించి తయారు చేయవచ్చు.బ్లెండర్ని ఉబుంటు వాడేవారు ఉచితంగా ఉబుంటు సాఫ్ట్ వేర్ సెంటర్ నుండి స్థాపించుకోవచ్చు.
బ్లెండర్ యొక్క విశిష్టతలు
బ్లెండర్ .ఆర్గ్ వారు నిర్మించిన చలనచిత్రాలు
యూనిటీ డెస్క్ టాప్ తో మీ పనులు సులభతరం చేసుకోండి
ఉబుంటు యూనిటీ డెస్క్ టాప్ సులభంగా,వేగంగా కంప్యూటర్ మీద పనులు చేయడానికి అనుగుణంగా తీర్చిదిద్దారు. కొత్త కావడం వలన వాడుకరులు కొంత తికమక పడడానికి అవకాశం ఉంది.అందువలన ఉబుంటు కొత్తగా వాడేవారి కోసం యూనిటీ డెస్క్ టాప్ వాడకాన్ని గూర్చి సులభంగా వివరిస్తున్న ఈ వీడియో అందరికి ఉపయేగాపడుతుందని భావిస్తు.
ఉబుంటు 12.04 విడుదల వేడుక హైదరాబాద్ విశేషాలు
ఓపెన్ సోర్స్ అభిమానులు ఉబుంటు 12.04 విడుదల వేడుక హైదరాబాద్ యొక్క విశేషాలు క్రింది లంకె నందు గమనించగలరు.
ఉబుంటు 12.04 విడుదల వేడుక హైదరాబాద్ విశేషాలు
నావలన అయితే కాదు మరి మీ వలన అవుతుందా?
సాధారణ కంప్యూటర్ వాడుకరి లేదా ఒక విద్యార్ధి నిజంగా సాఫ్ట్వేర్ కొని వాడగలడా?
Microsoft
Windows 7 Home Basic - 5777.00
Microsoft
Windows 7 Home Premium - 6775.00
Microsoft
Windows 7 Professional - 10759.00
Microsoft
Windows 7 Ultimate - 11448.00
Microsoft
Office Home and Student 2010 - 3,999.00
Microsoft
Office Home & Business 2010 - 9,499.00
Microsoft
Office Professional 2010 -19,009.00
Microsoft
Visio Professional 2010 - 27,200.00
Microsoft
Publisher 2010 - 6,479.00
ఏదైనా ఒక కనీస యాంటి వైరస్ - 300.00/ఒక సంవత్సరం
ఇక ఆపిల్ (మాక్)అయితే?
ఉబుంటు నెట్ వర్క్ అప్ గ్రేడ్
ఉబుంటు ప్రతి ఆరు నెలలకి ఒక కొత్త వెర్షన్ విడుదల అగును.కొత్త విడుదలలో పాత దానిలో ఉన్న దోషాలను సరిచేసి, కొత్త ఫీచర్స్ తో అందిస్తారు.కనుక కొత్త వెర్షన్ ని వాడడం మంచిది.విడుదల అయిన ప్రతి సారి మనం ఇన్ స్టాల్ చెయ్యడం కష్టం కాబట్టి ఉబుంటు నెట్ వర్క్ అప్ గ్రేడ్ చేసుకోవచ్చు.కొత్త వెర్షన్ అందుబాటు లో ఉన్నపుడు అప్ డేట్ మేనేజర్ మనకి చూపిస్తుంది.మొదట పాత వెర్షన్ కి సంబందించిన అప్ డేట్ లన్ని ఇన్ స్టాల్ చేసుకొని ఆ తరువాత వెర్షన్ అప్ గ్రేడ్ ని చేసుకోవాలి.క్రింది చిత్రాల్లో అప్ గ్రేడ్ చేసే విధానము,అప్ గ్రేడ్ అయిన తరువాత మార్పులని గమనించవచ్చు. అప్ గ్రేడ్ అవడానికి 600MB నుండి మనం ఇన్ స్టాల్ చేసుకొన్న అప్లికేషన్ లని బట్టి 1GB వరకు డౌన్ లోడ్ చేసుకోవలసి వచ్చును.కనుక ఇంటర్ నెట్ నెమ్మది గా ఉంటే నెట్ వర్క్ అప్ గ్రేడ్ ప్రయత్నించకపోవడం మంచిది.కొత్త వాటినిడౌన్ లోడ్ చేసుకొంటున్నపుడు కంప్యూటర్ ఆగిపోయిన పర్వాలేదు మరలా అప్ గ్రేడ్ ని ప్రయత్నించవచ్చు.కాని ఇన్ స్టాల్ అయ్యేటపుడు కంప్యూటర్ ఆగిపోతే ఆపరేటింగ్ సిస్టం పాడయ్యే అవకాశాలు ఎక్కువ కాబట్టి కరెంటు పోని సమయాల్లో లేదా ప్రత్యామ్నాయం(UPS,Inverter) ఉన్నపుడే ప్రయత్నించండి.
బెస్ట్ సీడి/డీవీడి/బీడి రైటింగ్ సాఫ్ట్ వేర్
K3b(కెడె
బర్న్ బెబి బర్న్)
అనేది
ఉబుంటు మరియు అన్ని లినక్స్
ఆధారిత ఆపరేటింగ్ సిస్టం లకి
మంచి డిస్క్ రైటింగ్ సాఫ్ట్
వేర్. నీరో
లాంటి వాణిజ్యపరమైన సాఫ్ట్
వేర్ ల కి దీటుగా పని చేస్తుంది.ఇది
ఫైర్ ఫాక్స్,ఉబుంటు,వియల్సి
ల వలె ఉచిత మరియు ఓపెన్ సోర్స్
సాఫ్ట్ వేర్.
ఉబుంటుసాఫ్ట్ వేర్ సెంటర్ నుండి
నేరుగా స్థాపించుకోవచ్చు.
విశిష్టతలు:
- సీడి,డీవీడి,బ్లూరే మద్దతు
- డాటా డిస్క్ తయారి
- ఆడియో డిస్క్ తయారి
- వీడియో డిస్క్ తయారి
- డిస్క్ నకలు తీయుట
- డిస్క్ ను చెరిపివేయుట
- ISO ఇమేజ్ మద్దతు
దీనికి సబ్స్క్రయిబ్ చేయి:
పోస్ట్లు
(
Atom
)