ఇంటర్నెట్‌ స్వేచ్చని కాపాడుకుందాం రండి

స్వేచ్ఛగా మనం వాడుకుంటున్న ఇంటర్నెట్‌ని తమ చేతుల్లోకి తీసుకునేందుకు మొబైల్ కంపెనీలు ట్రాయ్‌ని ప్రభావితం చేయడానికి ప్రయత్నిస్తున్నాయి. మన మొబైల్ ఇంటర్ వాడకంపై కీలకమైన నిర్ణయం తీసుకోబోయే ముందు ట్రాయ్  ప్రజాభిప్రాయ సేకరణ చేస్తోంది. మనం గనుక ఈ సమయంలో నిరసన వ్యక్తం చెయ్యకపోతే, ట్రాయ్ మొబైల్ కంపెనీల నిర్ణయాన్ని తన నిర్ణయంగా వెలువరించి మనపై భారాన్ని రుద్దక తప్పేట్టులేదు. దానివలన మనం భవిష్యత్తులో

ఉచిత స్వేచ్ఛా సాఫ్ట్‌వేర్లు అంటే?

ఉచిత స్వేచ్ఛా సాఫ్ట్‌వేర్లు అంటే ఏమిటో, మనం ఉచితంగా వాడుకుంటున్న సాఫ్ట్‌వేర్లకి వీటికి మధ్య తేడా ఏమిటో ఈ వీడియోలో చూడవచ్చు. ఫ్రీ సాఫ్ట్‌వేర్ ఫౌండేషన్ వారు ఉచిత స్వేచ్ఛా సాఫ్ట్‌వేర్లు గురించి అందరికి అవగాహన కల్పించడానికి ఉచిత స్వేచ్ఛా సాఫ్ట్‌వేర్లతో రూపొందించిన చలనచిత్రం.

ఉచిత ఆపరేటింగ్ సిస్టంలు

ఇప్పటికి మనలో చాలామంది ఖరీదైన ఆపరేటింగ్ సిస్టములు కొని వాడలేక నఖిలీ ఆపరేటింగ్ సిస్టములను వాడుతుంటారు. అప్‌డేట్ చేసుకుంటే మీఆపరేటింగ్ సిస్టము నఖిలీ అని చూపిస్తుందని అప్‌డేట్లు చేసుకోక భద్రతపరంగా బలహీనమైన మరియు కొత్త ఫీచర్లను లేనటువంటి పురాతన ఆపరేటింగ్ సిస్టములను వాడుతుంటారు. నయాపైసా

ఉచిత సాఫ్ట్‌వేర్లు

ఈ ఉచిత సాఫ్ట్వేర్లు పేజిలో డబ్బులు పెట్టి కొనే ప్రముఖ వాణిజ్య సాఫ్ట్‌వేర్లకు ప్రత్యామ్నాయమైన ఉచిత ఒపెన్ సోర్స్ సాఫ్ట్‌వేర్ల డౌన్‌లోడ్‌ లంకెలను లభించును. అన్ని ఆపరేటింగ్ సిస్టములలో పనిచేసే ఉచిత స్వేచ్ఛా సాఫ్ట్‌వేర్లు ఎప్పటికప్పుడు ఇక్కడ అప్‌డేట్ చేయబడతాయి. ఇక్కడ ఇవ్వబడిన సాఫ్ట్‌వేర్లు చట్టబద్దంగా ఉచితంగా లభించును. కనుక ఎవరైనా ఉచితంగా

బిల్ గేట్స్, స్టీవ్ జాబ్స్ అంత పేరు లేకపోయినా

బిల్ గేట్స్, స్టీవ్ జాబ్స్ పరిచయం చెయ్యక్కరలేని పేర్లు. చదువుకున్నవారికి కాస్త కంప్యూటరు పరిజ్ఞానం ఉన్నవారికి కూడా తప్పకుండా తెలిసిన పేర్లు. తమ ఉత్పత్తుల ద్వారా బాగా సంపాదించడమే కాకుండా ప్రముఖులుగా వెలుగొందుతున్నవారు. కంప్యూటరు, మొబైళ్ళలో వీరు ప్రాతినిధ్యం వహిస్తున్న సంస్థలు అగ్రగామిగా ఉన్నాయి. అలాగే గూగుల్, ఫేస్‌బుక్

ఉచితంగా ఆపరేటింగ్ సిస్టం డౌన్‌లోడ్ చేసుకోవడం ఎలా?

 ఉచిత ఆపరేటింగ్ సిస్టంలను(ఎక్కువ పరిమాణం గల ఫైళ్ళను) సులభంగా, వేగంగా డౌన్‌లోడ్ చేసుకోవడం ఎలాగో ఈ వీడియోలో చూడవచ్చు. 

రాష్ట్ర విభజన - యక్స్‌పి సపోర్ట్ నిలిపివేత

 యక్స్‌పి సపోర్ట్ నిలిపివేయబోతున్నట్లు మైక్రోసాఫ్ట్ సుమారు రెండు సంవత్సరాల క్రితమే ప్రకటించింది. దానికి అనుగుణంగా అప్పటి నుండి ప్రజలను ప్రత్యామ్నాయాల వైపు మళ్ళించడానికి ఎన్నో ప్రయత్నాలను చేస్తూనే ఉంది. ఇప్పటికే చాలా సంస్థలు, ప్రజలు ప్రత్యామ్నాయాలను వెతుక్కున్నారు. అయినప్పటికి ఇప్పటికి చాలా మంది యక్స్‌పిని వాడుతున్నారు. వారిలో సాధారణ ప్రజలే కాకుండా మన రాష్ట్ర ప్రభుత్వం కూడా ఉంది. వారు ఆదిశగా చర్యలను తీసుకుంటున్నట్లు ఏ పత్రికలోను రాలేదు. బహుషా వారు ఇప్పటికే యక్స్‌పి తరువాతి వెర్షన్‌లతో వచ్చే కంప్యూటర్లను కొనడానికి గుత్తేదారులను సిద్దం చేసుకొనే ఉండవచ్చు. టెండర్ల రూపం లో ప్రజాధనాన్ని అయినవారికి దోచిపెట్టే పందేరం మొదలైపోయి ఉండొచ్చు. మన ప్రక్క రాష్ట్రం తమిళనాడు విషయానికొస్తే ఆ ప్రభుత్వం యక్స్‌పి సపోర్ట్ నిలిచిపోతున్న సందర్భంగా వివిధ శాఖలను ఉచితంగా లభించే ప్రత్యామ్నాయ ఆపరేటింగ్ సిస్టం లను వాడమని ఆదేశించినట్లు వార్తలు వచ్చాయి.

 ఇక మన రాష్ట్రాని కొస్తే రాష్ట్ర విభజన నేపధ్యంలో యక్స్‌పి సపోర్ట్ నిలిచిపోవడం మూలిగే నక్కపై తాటికాయ పడినట్లే ముఖ్యంగా నిర్మాణం కావలసిన సీమాంధ్ర ప్రాంతం. మనం ఇక్కడ సరిగా ఆలోచిస్తే విభజన నేపధ్యంలో అన్ని శాఖలు పునర్‌వ్యవస్థికరణ జరగనుండడం, యక్స్‌పి సపోర్ట్ నిలిపివేయడం ఒకేసారి రావడం వలన మన రాష్ట్రాలకి మంచి అవకాశం వచ్చినట్లే. ఇప్పుడు ఉన్న కంప్యూటర్లలో యక్స్‌పికి బదులుగా మరో ఆపరేటింగ్ సిస్టంను కొనుగోలు చేయడం, తక్కువ సామర్ధ్యం గల కంప్యూటర్లని తొలగించి వాటి స్థానంలో ఆపరేటింగ్ సిస్టం కలిగి ఉన్న కొత్త కంప్యూటర్లను కొనుగోలు చేయడం వంటి ఖరీదైన ప్రయామ్నాయాలతో పాటు ఉన్న కంప్యూటర్లలోనే ఉచితంగా లభించే ఒపెన్ సోర్స్ ఆపరేటింగ్ సిస్టంలు మరియు సాఫ్ట్‌వేర్లను వాడుకోవడం వంటి ఉచిత ప్రత్యామ్నాయం కూడా అందుబాటులో ఉంది. విభజన నేపధ్యంలో నిధుల కొరత రెండు ప్రాంతాలలోను తప్పదు. మన ప్రభుత్వం ఒపెన్ సోర్స్ సాఫ్ట్‌వేర్లను వాడుకలోకి తీసుకువచ్చి విలువైన ప్రజాధనాన్ని ఆధా చేసినచో ఆ నిధులను నిర్మాణ,పునర్‌నిర్మాణ పనులకి కేటాయించుకోవచ్చు. 

 ప్రభుత్వానికి మంచి అవకాశం ఉన్నట్లే ఇప్పుడు ప్రజలకి కూడా ఎన్నికల రూపంలో మంచి అవకాశం వచ్చింది. ప్రజాధనాన్ని స్వాహా చేసే నాయకులను కాకుండా ప్రజాధనాన్ని కాపు కాసే నేతలను ఎన్నుకోవలసిన అవసరం ఉంది. మన భవిష్యత్తు మన చేతిలోనే ఉంది కనుక ఆలోచించి మానసిక, భౌతిక ప్రలోభాలకు గురి కాకుండా సరైన నిర్ణయం తీసుకోవాలి.

యక్స్‌పిని ఎందుకు సమాధి కట్టి సంతాపం?

 ఏ వార్తా పత్రిక చూసినా యక్స్‌పి ఇక లేదు, యక్స్‌పికి సెలవు, సపోర్ట్ నిలిపివేత అని సంచలనాత్మక వార్తలు. సామాజిక అనుసంధాన వేదికలలో (పేస్‌బుక్,గూగుల్+,ట్విట్టర్ మొదలైన వాటిలో) అయితే మరి విపరీతంగా సమాధి కట్టి సంతాపం ప్రకటిస్తున్నారు. ఈ ప్రచారం వెనుక అసలు కారణాలు, వచ్చే సమస్యలు, తాత్కాలిక మరియు శాశ్వత పరిష్కారాలు మనం ఈ రోజు తెలుసుకోవలసిందే.

యక్స్‌పికి మైక్రోసాఫ్ట్ సపోర్ట్ నిలిపివేయడంతో పేస్‌బుక్‌లో ప్రచారంలో ఉన్న ఒక చిత్రం

 యక్స్‌పి ఇప్పటికి ప్రపంచవ్యాప్తంగా చాలా మంది వాడుతున్న ఆపరేటింగ్ సిస్టం. దాని తయారీదారు అయిన మైక్రోసాఫ్ట్ వాడు అధికారికంగా సపోర్ట్ నిలిపివేయడం వలన దానికి ఉన్న ప్రాచుర్యం మరియు ఆదరణ కారణంగా ఈ విధంగా సంతాపాలు వెల్లువెత్తుతున్నాయి. అంటే ఇక నుండి మైక్రోసాఫ్ట్ నుండి దానికి సెక్యూరిటీ అప్‌డేట్స్ రావన్నమాట. దానివలన సగటు కంప్యూటరు వాడుకరికి వచ్చే ఇబ్బంది ఏమిటి? మనకు కనిపించే కధనాలలో అయితే బధ్రత మరియు కొత్త ఫీచర్లు దానికి కారణంగా చెపుతున్నారు. మన శ్రేయస్సుకోరి ఈవిధంగా ప్రచారం జరుగుతుందా? లేక మనల్ని బయభ్రాంతులకి గురిచేసి మరో ఆపరేటింగ్ సిస్టం లేదా మరో ఆపరేటింగ్ సిస్టం కలిగి ఉన్న లాప్‌టాప్ లేదా డెస్క్‌టాప్ కొనుక్కోనే  దిశగా మనల్ని తయారుచేయడానికా?
 చిన్నారి పొన్నారి యక్స్‌పి నిన్నెవరు చంపారమ్మా అని యక్స్‌పిని అడిగితే అది కచ్చితంగా మైక్రో సాఫ్ట్ వాడు నన్ను చంపాడు, కంప్యూటరు తయారీదారులు నా పీక నొక్కారని అంటుందేమో. ఎందుకంటే సాంకేతికంగా యక్స్‌పి కి ఇప్పుడు సపోర్ట్ నిలిపివేసి ఉండవచ్చు, కాని మనం కొన్ని విషయాలు గమనిస్తే మనకి ఎప్పుడో నిలిపివేసినట్లు అర్ధమవుతుంది. మైక్రోసాఫ్ట్ వాడి ఆస్థాన వెబ్ బ్రౌసర్, ఆఫీస్, మీడియా ప్లేయర్, ఇ మెయిల్ క్లయింట్ మరియు వివిధ సాఫ్ట్వేర్లకి వాటి కొత్త వెర్షన్‌లను యక్స్‌పికి విడుదలచేయడం ఎప్పుడో నిలిపివేసింది. అదేవిధంగా మనం కంప్యూటరు తయారీదారు వేబ్ సైటులో యక్స్‌పికి డ్రైవర్ల గురించి వెతికితే యక్స్‌పి తరువాతి ఆపరేటింగ్ సిస్టంలకు దొరుకుతాయి, కాని యక్స్‌పికి దొరకవు. అదేవిధంగా ఎప్పటి నుండో యక్స్‌పితో కంప్యూటర్లు అమ్మడంలేదు. యక్స్‌పికి మైక్రోసాఫ్ట్ సేవలు ఇప్పటికే క్రమక్రమంగా ఎప్పుడో నిలిపివేసింది. కొత్తగా నిలిపివేయడానికి ఏమిలేదు. ఇప్పటి యక్స్‌పి వాడుకర్లు ఎక్కువ మంది ఉండడం వలన మిగిలిన సాఫ్ట్వేర్ తయారీదారులు వారివారి సాఫ్ట్వేర్లను విడుదలచేస్తూనే ఉన్నారు. కేవలం మైక్రోసాఫ్ట్ మరియు కంప్యూటరు తయారీదారులు ఇరువురు పరస్పర సహకారంతో మనల్ని మరో కంప్యూటరు లేదా మరో ఆపరేటింగ్ సిస్టం కొనుగోలు చేయించడానికి సిద్దం చేస్తున్నారు. ఇక్కడ మనం వాళ్ళను తప్పుపట్టనవసరం లేదు ఎందుకంటే వాళ్ళు వ్యాపారులే కాని స్వచ్చంధ సంస్థలేమీ కాదుకదా.

సపోర్ట్ నిలిపివేయడం వలన మరి ఎవరికి నష్టం?

ఎవరైతే డబ్బులు పెట్టి యక్స్‌పిని కొనుక్కొని ఇప్పటికి దాని మీద ఆధారపడ్డారో వాళ్ళకి మాత్రమే. 

మరి ఈ ప్రచారం వలన ఎవరికి లాభం?

మైక్రోసాఫ్ట్ మరియు కంప్యూటరు తయారీదారులకి

   పెద్దపెద్ద కంపెనీలు యక్స్‌పి నుండి మరొక ఆపరేటింగ్ సిస్టం కు వెళ్ళడానికి పూర్తిగా కంప్యూటర్లని మార్చవలసి రావడంతో ఖర్చుకి వెనకాడి మైక్రోసాఫ్ట్ నుండి యక్స్‌పికి డబ్బులిచ్చి సపోర్ట్ని కొనుక్కోవడానికి సిద్దపడ్డాయి. ముందుచూపు గల కొన్ని సంస్థలయితే ఇప్పటికే ఉచిత సాఫ్ట్‌వేర్లను వాడడం ఉద్యోగులకి అలవాటు చేసాయి.  డబ్బున్న సంస్థలయితే ఇప్పటికే వేరే ఆపరేటింగ్ సిస్టంతో కొత్త కంప్యూటర్లను కొనుక్కున్నాయి. గూగులోడయితే తెలివిగా ముందునుండే ఉచిత ఆపరేటింగ్ సిస్టం వాడుతున్నాడు. అయితే మరి సగటు యక్స్‌పి వాడుకరి పరిస్థితి ఏమిటి? తప్పని సరిగా వేరే ఆపరేటింగ్ సిస్టం లేదా కొత్త ఆపరేటింగ్ సిస్టం పనిచేసే కంప్యూటరు కొనుక్కోవలసిందేనా?
 అవసరం లేదు. యక్స్‌పి మునుపటిలాగే పనిచేస్తుంది. కొంపలేం అంటుకోవు, మనం బేషుగ్గా వాడుకోవచ్చు. బద్రతా కారణాలరీత్యా యక్స్‌పి ఎప్పుడో బలహీనమయిపోయింది. కొత్తగా అప్‌డేట్స్ రాకపోవడం వలన మనం కోల్పోవడానికి ఏమిలేదు. మనం చేయ్యాల్సిందల్లా మనం ఇప్పటిలాగే మన కంప్యూటరును మంచి యాంటీవైరస్ తో తరచు స్కాన్ చేసుకోవడం,ఆ యాంటివైరస్ ని ఎప్పటికప్పుడు అప్డేట్ చేసుకోవడం, నమ్మకం కలిగిన సైట్లనుండి మాత్రమే సాఫ్ట్‌వేర్లను డౌన్‌లోడ్ చేసుకోవడం, పెన్ డ్రైవ్ పెట్టినప్పుడు ముందు తప్పక స్కాన్ చేసి తెరవడం వంటి ప్రాధమిక విషయాలు పాటించడం ద్వారా మనం ఎప్పుడూ వాడుక్కున్నట్లే వాడుకోవచ్చు. ఈ ప్రచారం అంతా మన జేబు చిల్లు పెట్టదానికే. ఒకవేళ మనం వేరే ఆపరేటింగ్ సిస్టం కొన్నామనుకోండి రాబోవు రోజుల్లో దానికి కూడా సపోర్ట్ నిలిపివేస్తాడు కదా? మరి దానికి శాశ్వత పరిషారం లేదా?
 లేకేం మనం మారడానికి సిద్దంగా ఉంటే మనకి ఉచితంగా ఎన్నో మార్గాలున్నాయి. ఇప్పుడు మనం వాడుతున్న కంప్యూటరులోనే వాడుకోవడానికి ఎటువంటి ఖర్చు పెట్టనవసరం లేకుండానే దొరికే ఉచిత ఆపరేటింగ్ సిస్టం లు ఎన్నో అందుబాటులో ఉన్నాయి. మొదట కంప్యూటరు అంటే యక్స్‌పి లేదా విండోస్ అన్న బావన నుండి మనం బయటపడితే చాలు.
 ఇప్పటికే ఉచిత సాఫ్ట్వేర్ల దెబ్బకి పలు సాఫ్ట్వేర్ల ధరలు తగ్గడం మనం చూసాం. ఈ విధంగా మనం ఉచిత సాఫ్ట్వేర్లను వాడితే తొదరలోనే మైక్రోసాఫ్ట్ నుండి కూడా ఉచిత ఆపరేటింగ్ సిస్టం మనం చూడగలం.

మన రక్తంలో ఇంకిపోయిన సంస్కృతి

 పైరేటెడ్ అన్నది మనకు తెలియంది కాదు. అది అనాదిగా వస్తున్న మన ఆచారం. ఇప్పుడు అది కొత్త పుంతలు తొక్కింది. విడుదలకి ముందే పైరేటెడ్ చేయడం అంటే మామూలు విషయం కాదు. అది బాగా వారికి దగ్గరి వారివల్లే అవుతుంది. అదెలా ఉన్నా సాఫ్ట్ వేర్ పైరసి దీనికి ఎన్నో రెట్లు పెద్దది. దానికి పరిష్కారం ఒక్క ఒపెన్ సోర్స్ మాత్రమే. ప్రజల సమాచారాన్ని నిక్షిప్తం చేసుకున్న ఆధార్ కేంధ్రంలో ఉన్న కంప్యూటర్ లో కూడా పైరేటెడ్ ఆపరేటింగ్ సిస్టం. ముఖ్యంగా ప్రజల బధ్రత కోసం చేపట్టిన ఆధార్ పరమార్ధం నెరవేరినట్లేనా. ఈ చిన్న ఉధాహరణ చాలు మనం ఎక్కడున్నామో చెప్పడానికి.
 ఈ రోజుల్లో ఎన్నో ఆపరేటింగ్ సిస్టం లు మనకి అందుబాటులో ఉన్నాయి. అయినప్పటికి ఇంకా మనం ఆపరేటింగ్ సిస్టం లు కొనుక్కోవలసిన అవసరం తప్పటంలేదు. దీనికి కారణం అనేక అపోహలు, లేని పోని ప్రచారాలు అని వేరే చెప్పక్కరలేదు. ఎన్నో ఉచిత ఆపరేటింగ్ సిస్టం లు మనకి అందుబాటులో ఉన్నప్పటికి పైరేటెడ్ ఆపరేటింగ్ సిస్టం వాడడానికే జనాలు మొగ్గు చూపడం మనం ఒప్పుకోవలసిన విషయం. ధనవంతమైన కంపెనీల మార్కెట్ విస్థరణ ప్రణాళికలలో భాగంగా పైరేటెడ్ ఆపరేటింగ్ సిస్టం వాడుకరులు కంపెనీలకు ప్రచార సాధనాలుగా మారుతున్నారు. పైరేటెడ్ సాఫ్ట్ వేర్ వాడడంలో మనదే అగ్రతాంబూలం అన్నది కఠోర సత్యం. ఉచితంగా దొరుకుతున్న దానిపై మనకు చులకన, దొంగదానిపై మోజు ఎక్కువ. 

 ఇది ఇలా ఉంటే తాము వాడుతున్నది పైరేటెడ్ సాఫ్ట్ వేర్ అని, తామువాడే దానికి ప్రత్యామ్నాయాలు ఉన్నాయని తెలియక చాలామంది పైరేటెడ్ సాఫ్ట్ వేర్ కి గురవుతున్నారు. పైరేటెడ్ సాఫ్ట్ వేర్ కి బలైన వారిని, ఇంకా బలి కాకుండా కాపాడడానికే ఒపెన్ సోర్స్ సాఫ్ట్ వేర్. ఒపెన్ సోర్స్ సాఫ్ట్ వేర్ల గురించి అందరికి తెలుగులో తెలియచెప్పడానికే ఈబ్లాగు. ఈ బ్లాగు ఉపయోగపడగలదని మీకు అనిపించినచో బ్లాగు యొక్క జి+ మరియు ఫేస్ బుక్ పేజిలను అందరికి పంచండి.

https://www.facebook.com/freeandopensource

https://plus.google.com/u/0/b/109350395492077573049/

ఉచిత ఆపరేటింగ్ సిస్టం వాడేవారు సరైన ప్రింటర్ని ఎంచుకోవడం ఎలా?

 వ్యక్తుల నుండి మొదలుకొని చిన్న, మధ్య అంతెందుకు పెద్ద సంస్థలు కూడా వ్యయ నియంత్రణలో బాగంగా సాఫ్ట్ వేర్లకు వేలకువేలు పోయడం మాని  ఉచిత స్వేచ్ఛా ఆపరేటింగ్ సిస్టంల వైపు చూస్తున్నారు. అంతేకాకుండా నఖిలీ సాఫ్ట్ వేర్లను వాడడం అంటే అవమానంగా భావించేవారి సంఖ్య బాగా పెరగడం వలన, కనీస సాంకేతిక పరిజ్ఞానం గలవారు పెరగడం, అంతర్జాలం తక్కున ధరకు అందుబాటులోకి రావడం, బ్లాగులు సామాజిక అనుసంధాన వేధికలలో మెళకువలు మరియు చర్చల ఫలితంగా ఉచిత స్వేచ్ఛా ఆపరేటింగ్ సిస్టం వాడేవారి సంఖ్య గణనీయంగా పెరిగింది.

 ఉచిత ఆపరేటింగ్ సిస్టం వాడెవారు తమకి తగిన పరికరాలను కొనుక్కోవడం ద్వారా అంటే ఉచిత స్వేచ్ఛా ఆపరేటింగ్ సిస్టంలకి తగిన డ్రైవర్ల మధ్దతు అందిస్తున్న సంస్థలచే తయారుచేయబడిన పరికరాలను కొనుగోలు చేయడం వలన మనం ఇబ్బంది లేకుండా ఆ పరికరాలను వాడుకోవడమే కాకుండా ఉచిత స్వేచ్ఛా సాఫ్ట్వేర్ సంసృతికి మధ్దతు ఇచ్చిన వాళ్ళము అవుతాము. దానితో మిగిలిన సంస్థలు కూడ తమతమ పరికరాలను ఉచిత స్వేచ్ఛా ఆపరేటింగ్ సిస్టంలలో పనిచేసే విధంగా తయారుచేయడం అనివార్యమవుతుంది. దీని వలన ఒకే సంస్థ యొక్క గుప్తాదిపత్యం తగ్గి తయారీ సంస్థల మధ్య పోటి పెరిగి వినియోగదారులకు సరసమైన ధరలకు పరికరాలు లభిస్తాయి.

 ఇకఉచిత స్వేచ్ఛా ఆపరేటింగ్ సిస్టంలకు పూర్తి స్థాయి మధ్ధతునిచ్చు ప్రింటర్ల విషయానికొస్తే వాటిలో అగ్రస్థానం నిస్సంధేహంగా హెచ్.పి. వాడివే. చాలా విభాగాల్లో అగ్రస్థానంలో ఉన్న హెచ్.పి. వాడు తమ ప్రింటర్లు ఉచిత స్వేచ్ఛా ఆపరేటింగ్ సిస్టంలలో పనిచేసే విధంగాతయారుచేయడమే కాకుండా వాటికి తగిన డ్రైవర్ల మధ్దతు కూడా అందించడం నిజంగా చాలా మంచి విషయం. ఇప్పటికే వివిధ పరికరాల తయారిధారులు మధ్దతునిస్తున్నప్పటికి కొన్ని పరికరాల తయారీధారులు కొన్ని సంస్థల చేతిలో బందీలై తమ పరికరాలను ఉచిత స్వేచ్ఛా ఆపరేటింగ్ సిస్టంలలో పనిచేయకుండా చేయడం ద్వారా వాణిజ్య ఆపరేటింగ్ సిస్టంలను కొనేటట్లుగా వారికి పరోక్షంగా సహకరిస్తున్నారు. వారుకూడా బుద్దిగా హెచ్.పి. వాడిలా వినియోగధారులను వాణిజ్య సాఫ్ట్వేర్లను బలవంతంగా కొనేటట్లు చేయకుండా ఉచిత స్వేచ్ఛా ఆపరేటింగ్ సిస్టంలలో పనిచేసే విధంగా పరికరాలను తయారుచేసి, వాటికి సరైన డ్రైవర్ల మధ్దతునివ్వడం ద్వారా వినియోగధారులని వారిష్టం వచ్చిన ఆపరేటింగ్ సిస్టం వాడుకొనేటట్లు గౌరవిస్తే ఆయా పెద్ద సంస్థల కిటికీలను మూసి మనం ఉచిత స్వేచ్ఛా ఆపరేటింగ్ సిస్టంలకి తలుపులు తెరుచుకోవచ్చు. 

  హెచ్.పి. వాడు తన ప్రింటర్లకి ఉచిత స్వేచ్ఛా ఆపరేటింగ్ సిస్టంలలో పనిచేయడం కోసం Hewlett-Packard Linux Imaging & Printing అన్న పరిష్కారాన్ని అందిస్తున్నాడు. 2220 వివిధ రకాల ప్రింటర్లు ముద్రణకి, స్కానింగ్ మరియు ఫాక్స్ కి మధ్ధతినిచ్చు విధంగా తయారుచేసిన HPLIP పూర్తిగా స్వేచ్ఛా సాఫ్ట్వేర్. డెబియన్, ఉబుంటు, మింట్ మరియు ఫెడోరా వంటి అన్ని ప్రసిధ్ది పొందిన ఉచిత స్వేచ్ఛా ఆపరేటింగ్ సిస్టంలలో పనిచేస్తుంది. పూర్తి సమాచారం మరియు HPLIP డౌన్లోడ్ మరియు ఇన్స్టాల్చేయు విధానం కొరకు ఇక్కడ చూడవచ్చు. కనుక ఉచిత స్వేచ్ఛా ఆపరేటింగ్ సిస్టం వాడేవారు HP ప్రింటర్లను వాడడం మేలు.

మీరు నకిలీ సాఫ్ట్ వేర్ యొక్క బాధితులా?You may be a victim of software counterfeiting.

పైన చిత్రాలు మనం తరచు చూస్తూనే ఉంటాము. వ్యక్తిగత కంప్యూటర్లు మొదలుకొని దుకాణాలు, కార్యాలయాలు చాలా చోట్ల అందరికి చిరపరిచయమైన ఈ సమస్యకి మరి పరిష్కారం లేదా?

 దీనికి ఇప్పటికే ఎన్నో పరిష్కారాలు అంతర్జాలంలో మనకి లభిస్తున్నాయి. వాటిలో చాలా సులువైనది సిస్టమును అప్ డేట్ చేయకుండా ఉండడం. సాఫ్ట్వేర్ అప్ డేట్ లేకపోతే మన సిస్టం కి బధ్రత కరువైనట్లే. మనకి అందుబాటు లో ఉన్న మిగిలిన మార్గాలలో చట్టబద్దత ఎంత? 

మరి దీనికి పరిష్కారం?

 లేకే నకిలీ సాఫ్ట్వేర్లని వాడకపోవడమే.

చెప్పడానికి బానే ఉంది కాని వేలు పోసి కొనాలి. నాకంత స్థోమత లేదు. మరి మీరిస్తారా?

 సాఫ్ట్వేర్ అంటే కొనాలి/నకిలీదే కాదు ఉచితంగా లభించేవి కూడా ఉన్నాయి. మనం చేయ్యాల్సిందల్లా కేవలం నకిలీ సాఫ్ట్వేర్ వాడే అలవాటును వదులుకోవడమే. మీరిస్తారా అని అడిగారు కదా. కాదు నేను కేవలం సమాచారాన్ని మాత్రమే ఈ బ్లాగు ద్వారా అందిస్తాను. ఉచిత సాఫ్ట్వేర్లా లేదా నకిలీ వాడాలా అన్నది నిర్ణయించుకోవలసింది వాడేవారే. లాభాపేక్షలేని వ్యక్తులు సంస్థలు ఇప్పటికే ఎన్నో ఉచిత స్వేచ్ఛా సాఫ్ట్వేర్లను తయారుచేసాయి. ఇప్పటికే వాటిలో చాలా వాటికి చాలా మంది వాడి నకిలీల బెడదను వదిలించుకున్నారు. 

ఉచితంగా దొరికే అనామకులు తయారుచేసిన సాఫ్ట్వేర్ల కన్న నకిలీ అయినప్పటికి పెద్ద సంస్థలు తయారుచేసిన వాటిని వాడడం మేలు కదా?

 అనామకులని తీసిపారేయకండి. పెద్దవాళ్ళ సాఫ్ట్వేర్లకి గర్వభంగం కలిగించిన ఉచిత సాఫ్ట్వేర్లను గురించి చెపెతే చాంతాడంత ఉంటది. ఉధాహరణకు పైర్ ఫాక్స్, వియల్సి, ఆండ్రాయిడ్, ఉబుంటు, లినక్స్ మింట్, 7జిప్, వర్డ్ ప్రెస్, ఒపెన్ ఆఫీస్, లిభ్రే ఆఫీస్, తండర్ బర్డ్, వికీపీడియా ఇలా చాలా ఉన్నాయి.

ఎవరైనా వాడుతున్నారా?

చాలామంది వ్యక్తులు వాడుతున్నారు. పెద్ద సంస్థలు కూడా ఉచిత సాఫ్ట్వేర్ల జపం చేస్తున్నాయి. గూగులోడు, నాసావోడు వాడగా లేనిది మనం వాడలేమా.

 ఇంక అనుమానం ఎందుకు మన రక్తంలో, సంసృతిలో, చదువుల్లో ఇంకిపోయిన ఈ నకిలీని సాగనంపు.
 మనం వాడే నకిలీ ఆపరేటింగ్ సిస్టంకి ప్రత్యామ్నాయంగా, ప్రపంచంలో ఎక్కువగా వాడబడుతున్న ఉచిత ఆపరేటింగ్ సిస్టములని ఇక్కడ చూడవచ్చు. వాటిల్లో మనకు నచ్చినది నప్పేది మనం ఉచితంగా వాడుకోవచ్చు.

ఇక్కడ ఉచిత సాఫ్ట్వేర్లు దొరుకుతాయి

 ఉబుంటు ఆపరేటింగ్ సిస్టం వాడే వారికి ఉపయోగపడే అప్లికేషనులు అన్ని ఒకే చోట లభించు చోటు ఉబుంటు ఆప్ డైరెక్టరీ. దీనిని ఉబుంటు సాఫ్ట్వేర్ సెంటర్ కి వెబ్ ప్రతిరూపంగా చెప్పుకోవచ్చు. ఉబుంటు సాఫ్ట్వేర్ సెంటర్ లో మాదిరిగానే ఇక్కడ కూడా అప్లికేషన్ లు విభాగాల వారిగా కొలువుదీరి ఉన్నాయి. అప్లికేషన్ యొక్క విశిష్టతలు వాడిన వారి అభిప్రాయాలను ఇక్కడ చూడవచ్చు.

ఉచిత సాఫ్ట్వేర్ల కర్మాగారం

 సోర్స్ ఫోర్జ్.నెట్ ఎన్నో విజయవంతమైన ఒపెన్ సోర్స్ సాఫ్ట్ వేర్ల తయారీకి నెలవు. సమాజం సహకారంతో అభివృద్ధి చేయబడు ఒపెన్ సోర్స్ సాఫ్ట్ వేర్లకి కావలసిన అన్ని వనరులు అందించడంలో సోర్స్ ఫోర్జ్.నెట్ దే అగ్రస్తానం. సోర్స్ ఫోర్జ్.నెట్ యొక్క సాధనాలని వాడుకొని ఇప్పటికే 3.4 మిలియన్ డెవలపర్లు 324,000 పైగా ప్రాజెక్టులని వృధ్ది చేసారు. ప్రతి రోజు4,000,000 డౌన్లోడ్లతో ఎంతో మందికి సేవలు అందిస్తున్నది సోర్స్ ఫోర్జ్.నెట్.

 సాఫ్ట్వేర్ల పాధమిక దశ అయిన కోడింగ్ నుండి మొదలుకొని అభివ్రుధ్ది చేయడం, ఆ సాఫ్ట్వేర్లని ప్రచూరించేవరకు అన్నిటికి సోర్స్ ఫోర్జ్.నెట్ సమాధానం చెబుతుంది. ఇక్కడ దొరకని ఒపెన్ సోర్స్ సాఫ్ట్వేర్ లేదంటే అతిశయోక్తి కాదేమో. ఎవరైనా తమకు కావలసివ సాఫ్ట్వేర్లు ఇక్కడ నుండి ఉచితంగా డౌన్లోడ్ చేసుకోవచ్చు.

విజ్ఞానపు గని వాడుకున్నోడికి వాడుకున్నంత!

 విజ్ఞానం అనేది ఎవరికో సొంతం కాదు అది అందరికి అందుబాటులో ఉండాలని ఒకరిచే మొదలైన ఆ సంకల్పం ఇప్పుడు ప్రపంచంలో అన్ని దిక్కులకు విస్తరించినది. దాని ఫలాలు ఇప్పుడు ప్రతి ఒక్కరు అను నిత్యం ఏప్పుడో ఒకప్పుడు అనుభవిస్తూనే ఉన్నాము. అదే వికిపీడియా. ఏదైనా విషయం గురించి సమాచారం కావాలంటే వికిపీడియా లో వెతుకు అని సాదారణంగా వింటుంటాం,అంటుంటాం. వికీపీడియా అంటే అంతర్జాల విజ్ఞానభాండాగారం. పలువురు కలిసి విజ్ఞాన సమాచారాన్ని సేకరించి అంతర్జాలంలో ఒకచోట భద్రపరచడం. ఈవిధంగా భద్రపరచినదానిని అందరికీ ఉచితంగా వాడుకోవడమే. విషయసేకరణ మరియు అది అందరికీ అందుబాటులో ఉంచడం అనే ప్రక్రియను నిరంతరంగా ప్రవహింపచేయడమే వికీపీడియా లక్ష్యం. ఈ ప్రక్రియను మొదలు పెట్టిన ఘనత జిమ్మీ వేల్స్ అనే అమెరికన్ కు చెందుతుంది. చిన్న చినుకులు కలిసి ఒక మహ సముద్రంగా మారినట్లు ఇప్పుడు వికిపీడియా అనేక ప్రపంచ బాషలలో అనేక వ్యాసాలతో అందుబాటులో ఉంది. సాధారణ వ్యక్తులు కూడా వికీపీడియాలో వ్యాసాలను రాయగలగడంతోబాటు ఇతరులు రాసిన వ్యాసాలలో అక్షర దోషాలను సరిదిద్దడం, అదనపు సమాచారాన్ని జోడించడం మరియు వాణిజ్య ప్రకటనలు లేకపోవడం వంటి అంశాలు దీన్ని ప్రత్యేకంగా నిలబెట్టాయి.

 ఆంగ్లవికీ ప్రారంభమైన రెండేళ్ళ అనంతరం మొదలైన తెలుగు వికీపీడియా ఆరంభంలో అనేక ఆటుపోట్లను ఎదుర్కొంటూ క్రమక్రమంగా వేగం పుంజుకుంది. భారతీయ భాషలలో తెలుగుభాష ఔన్నత్యాన్నీ, ప్రత్యేకతనూ చాటిచెబుతోంది. దీని వెనుక తెలుగు బ్లాగరులు మరియు మనలాంటి సామాన్యుల కృషి కూడా ఉంది. వికీపీడియా తెలుగులో ఉందన్న విషయాన్ని అందరికి తెలియచెప్పడం, మరియు తెలుగు వికీపీడియాకి ప్రచారం కల్పించడం కోసం ఈ ఉగాది సందర్భాన్ని పురష్కరించుకొని తెలుగు వికీపీడియా మహోత్సవం 2013 ఏర్పాటుచేసారు. 

 రేపటి తరానికి ఖచ్చితమైన సమాచారాన్ని ఉచితంగా అందివ్వాలన్న సదుద్దేశ్యంతో నిస్వార్ధంగా కృషి చేస్తున్న  తెలుగు వికీపీడియాని తెలుగు వారందరికి చేరువ చెయవలసిన బాద్యత మనందరిది. రండి బ్లాగు బ్లాగు  కలిపి ప్రచారాన్ని చేద్దాం. సామాజిక అనుసంధాన వేదికలైన ఫేస్ బుక్ ,ట్విట్టర్ మరియు గూగుల్ + లలో కూడా పంచుకోవడం ద్వారా తెలుగు వికీపీడియాని అందరికి చేరువ చేయవచ్చు. దయచేసి విజ్ఞాన ప్రవాహాన్ని ఆపవద్దు.

చైనా అధికారిక ఆపరేటింగ్ సిస్టం ?

 అన్ని రంగాలలో అగ్రస్థానానికై పరుగులు పెడుతున్న చైనా కన్ను ఇప్పుడు స్వేచ్ఛా సాఫ్ట్వేర్ల పై పడినట్లుంది. చైనా ప్రభుత్వ సంస్థలైన నెషనల్ యూనివర్సిటి ఆఫ్ డిఫెన్స్ టెక్నాలజి, ది చైనా సాఫ్ట్వేర్ అండ్ ఇన్టిగ్రేటెడ్ చిప్ ప్రమోషన్ సెంటర్ మరియు ప్రపంచ ప్రసిద్ది చెందిన ఒపెన్ సోర్స్ ఆపరేటింగ్ సిస్టం తయారీదారు అయిన కనోనికల్ కార్పోరేషన్ తో పనిచేయడానికి నిర్ణయించుకున్నాయి. రానున్న ఐదు సంవత్సరాల వ్యవధిలో చైనాలో ఒపెన్ సోర్స్ సాఫ్ట్వేర్ల వాడకం పెంచడం వీరి భాగస్వామ్య ముఖ్యోధ్దేశం.

 ఇప్పటికే ఉబుంటు చైనా వెర్షను(ఉబుంటు కైలిన్) అందుబాటులో ఉంది. రాబోయే ఉబుంటు కైలిన్ 13.04 లో చైనా కి తగిన విధంగా అంటే కీ బోర్డ్, కాలెండర్, సెర్చ్ ఇన్జిన్లు వారికి తగినట్లుగా మార్చుతున్నారు. మరి మనోళ్ళు ఎప్పుడు మేల్కొంటారో. లేకపోతే కిటికీల వాడికి గుత్తకి ఇస్తారేమో?

అప్ డేట్స్ అంటే ఏమిటి. వాటి వలన ఉపయోగం ఏంటి?

ఫోన్, టాబ్లెట్ లేదా కంప్యూటర్ ఇలా ప్రతి దానిలోను నెట్ తగిలించగానే అప్ డేట్స్ అందుబాటులో ఉన్నాయి అని తరచు విసిగిస్తుంటాయి. అసలు అప్ డేట్స్ అంటే ఏమిటి. వాటి వలన ఉపయోగం ఏంటి. మనమేం చేయాలి. 

 సాఫ్ట్ వేర్లు విడుదలచేసిన తరువాత తయారీదారు ఆ సాఫ్ట్ వేర్ లో ఉన్న బధ్రతా పరమైన లోపాలను, పనితీరులో లోపాలు సరిచేసి లేదా మరికొన్ని విశిష్టతలను అధనంగా జతచేసి మనకు అప్ డేట్స్ రూపంలో అందిస్తారు. అప్ డేట్స్ ఆపివేస్తే ఆ ప్రయోజనాలను మనం కోల్పోయినట్లే. అప్ డేట్స్ చేసుకోవడం వలన మనకొచ్చే నష్టం ఏమీ ఉండదు లాభం తప్ప. అందువలన నిస్సందేహంగా అప్ డేట్స్ చేసుకోవచ్చు.

షేర్/లైక్ చేయకుండానే 1500 రూ విలువచేసే సాఫ్ట్ వేర్ ఉచితంగా పొందండి

 పైళ్ళను జిప్ చేయడనికి సాధారణంగా మనం ఉపయోగించు సాఫ్ట్ వేర్లు ప్రతి సారి కొనుక్కోమని విసిగిస్తుంటాయి. విరివిగావాడు ఆ సాఫ్ట్ వేర్లు మనం ఖరీదు చేయబోతే పైన చిత్రాలలో మాదిరిగా 1500 రూపాయలకి తక్కువ కాకుండా వాటి వెల ఉంటుంది. ఎప్పుడో ఒకసారి వాడే సాఫ్ట్వేర్ కి అంత మొత్తం ఏ సగటు కంప్యూటర్ వాడుకరి వెచ్చించడానికి ఇష్టపడడు. గతిలేక వాడుతున్న వాటికి ఏమాత్రం తీసిపోని ప్రత్యామ్నాయం ఉందని తెలియకవాటికి ప్రాచూర్యం కల్పించడానికి అన్నట్లు ఆదే సాఫ్ట్వేర్ ట్రయిల్ ని వాడుతుంటారు.

  కొనుక్కునే వాటికి ఏమాత్రం తీసిపోని పైళ్ళను జిప్ చేయు సాఫ్ట్వేర్ ఉచితంగా మనం పొందవచ్చు. దీనిపేరు 7జిప్. ఇది ప్రచారం కోసం ఉచితంగా ఇస్తున్న సాఫ్ట్ వేర్ కాదు. ఇది ఒపెన్ సోర్స్ సాఫ్ట్ వేర్. దీనిని ఎవరైనా ఉచితంగా పొందవచ్చు. షేర్ లేదా లైక్ చేయనవసరంలేకూండానే ఎవరైనా క్రింది లంకె నుండి దింపుకోవచ్చు.

 

మైక్రోసాఫ్ట్ సాఫ్ట్వేర్లు ఉచితం , ఆంధ్రప్రదేశ్ కి మాత్రమే!

ఆంధ్రప్రదేశ్ కి మా సాఫ్ట్వేర్లు ఉచితం - మైక్రోసాఫ్ట్

ఆంధ్రప్రదేశ్ దెబ్బకు మైక్రోసాఫ్ట్ దాసోహం

ఆంధ్రప్రదేశ్ సేవలను గుర్తించిన మైక్రోసాఫ్ట్

ఆంధ్రప్రదేశ్ సేవలకు మైక్రోసాఫ్ట్ ప్రతిఫలం

ఆంధ్రప్రదేశ్ ని ఆధర్శంగా తీసుకోవాలని ప్రపంచ దేశలకు మైక్రోసాఫ్ట్ హితవు

ఆంధ్రప్రదేశ్ ని బంగారు భాగస్వామి అవార్డుతో సత్కరించిన మైక్రోసాఫ్ట్

పైరేటెడ్ సాఫ్ట్వేర్ కి ఆంధ్రప్రదేశ్ సెలవు

 హైదరాబాద్, రెడ్ మండ్, రేపటి వార్త : ఆంధ్రప్రదేశ్ యొక్క సేవలను గుర్తించిన ప్రముఖ సాఫ్ట్వేర్ ధిగ్గజం మైక్రోసాఫ్ట్ ఇప్పటి నుండి తన సంస్థ తయారు చేసే సాఫ్ట్వేర్ ఉత్పత్తులను ఆంధ్రప్రదేశ్ కి ఉచితంగా అందిస్తున్నట్లు ప్రకటించినది. అంతేకాకుండా ఆంధ్రప్రదేశ్ ని బంగారు భాగస్వామి అవార్డుతో సత్కరించినది. ఈ సంధర్బాన్ని పురశ్కరించుకొని నిన్న జరిగిన సమావేశంలో మైక్రోసాఫ్ట్ సంస్థ నేత ఈ విషయాన్ని ప్రకటించారు. చిత్త సుద్దితో మైక్రోసాఫ్ట్ సాఫ్ట్వేర్ ఉత్పత్తులను వాడినందుకు మరియు ప్రచారం కల్పించడంలోను రాష్త్రం యొక్క చొరవను పలువురు వక్తలు ప్రశంసించారు. ఆంధ్రప్రదేశ్ ని ఆధర్శంగా తీసుకోవాలని ప్రపంచ దేశలకు మైక్రోసాఫ్ట్ హితవు పలికింది. మన తరుపున పలానా మాట్లాడుతు చిన్నప్పటి నుండి ప్రజలు మైక్రోసాఫ్ట్ సాఫ్ట్వేర్లు వాడే విధంగా పాఠశాల స్థాయి నుండి ఏవిధంగా ఏర్పాట్లు చేసారో వివరించారు.



కలలా ఉన్నా మన కృషికి ఇదే సరయిన ఫలితం. తొందరలో జరుగుతుందని ఒక చిన్న ఆశ.

తెలుగు వీర లేవరా..

 ఏ దేశమేగినా,ఎందు కాలిడినా మన తెలుగువారు లేని ప్రదేశము లేదంటే అతిశయోక్తి కాదేమో.జీవన అవకాశాల కోసం వివిధ దేశాలకు వెళ్ళి,వెళ్ళిన చోట తమ కష్టించే తత్వం మరియు ప్రతిభా పాటవాలతో అనతి కాలంలోనే ప్రత్యేక గుర్తింపు తెచ్చుకోవడంలో తెలుగు వారికి సాటి లేదు.ఈరోజుల్లో ప్రపంచంలో ప్రసిధ్ధి చెందిన ఏ ప్రాజెక్టును తీసుకున్నా వాటిలో తెలుగు వారి పాత్ర లేని ప్రాజెక్టు మనకు కనిపించదు.అలాగే సాఫ్ట్వేర్ రంగంలో కూడా మన వారు ఎన్నో ఉన్నత శిఖరాలని అధిరోహించినారు.మన వారు తయారు చేసిన సాఫ్ట్వేర్లు,వారి సేవలు లేని దేశాలు బహుషా లేకపోవచ్చు.ఇన్ని విశిష్టతలు గల మనం స్వేచ్చా సాఫ్ట్వేర్ల వినియోగం మరియు వాటి అభివృధ్ధిలో గణనీయంగా వెనకబడి ఉన్నాం అని చెప్పడంలో సంధేహం లేదు.ఎందుకో మనలో స్వేచ్చా,ఉచిత సాఫ్ట్వేర్లంటే కొంత చిన్న చూపు ఉందని అనిపిస్తుంది.సమాజం కొరకు సమాజమే సాఫ్ట్వేర్లు తయారు చేసుకొని తిరిగిసమాజమే వాటిని ఉచితంగా వాడుకోవడం వలన ప్రజల,ప్రభుత్వాల సొమ్ము ఎంత ఆదా అవుతుంది.ఒక్క కేరళ లోనే కేవలం పాఠశాలల విషయం లోనే స్వేచ్చా,ఉచిత సాఫ్ట్వేర్లు వాడడం వలన కొన్ని కోట్ల విలువైన ప్రజాధనం ఆదా అయితే ఇక పూర్తి భారతదేశం విషయానికి వస్తే మరెంత ఆదా అవుతుంది.కేవలం అవగాహన లేకపోవడం వలన చాలా మంది వ్యక్తిగత ధనం కూడా వృధా చేసుకుంటున్నారు. నిధానంగా సాగుతున్న  స్వేచ్చా,ఉచిత సాఫ్ట్వేర్ల అభివృద్ధి తెలుగువారి ప్రవేశంతో వేగవంతమవుతుందని నా బలమైన నమ్మకం.కనుక తెలుగు సాఫ్ట్వేర్ వీరులారా సొంత లాభం కొంత మానుకోకుండా కొంత సమయం మాత్రమే కేటాయించి సరికొత్త సాఫ్ట్వేర్ విప్లవంలో మీరుకూడా పాలుపంచుకోండి.

ఇది మన సంగతి

 మన రాష్ట్రంలో ప్రభుత్వం కంప్యూటర్ విధ్యను వాణిజ్య సాఫ్ట్వేర్లతో అందిస్తుంది. ఒక కంప్యూటర్‌ను కొనటానికయ్యే ఖర్చుతో సమాంతరంగా సాఫ్ట్వేర్ కొనటానికి కూడా ఖర్చు కావడం వలన ప్రభుత్వ వ్యయంలో సగానికి సగం కేవలం సాఫ్ట్వేర్ కొనటానికి ఖర్చవుతున్నది. ఇలా సాఫ్ట్వేర్ల కోసం కోట్ల విలువైన ప్రజాధనం వృధా అవుతుంది. వీటి నిర్వహణను కొందరు గుత్తేదారులకు అప్పగించి వారికి డబ్బును చెల్లిస్తున్నది. అక్కడ టీచర్లుగా పని చేస్తున్న వారికి జీత బత్యాలు సైతం సరిగా ఇవ్వట్లేదు, ఇస్తున్నవి కూడా మరీ తక్కువగా ఉన్నాయి. అందువలన వారు తరచుగా సమ్మె చేయడం కూడా జరుగుతుంది. మన రాష్ట్రంలో కూడా వాణిజ్య సాఫ్ట్వేర్ల స్థానంలో స్వేచ్ఛా సాఫ్ట్వేర్లను ఉపయోగించి విలువైన ప్రజాధనం వృధా కాకుండా చేయవచ్చు. సాఫ్ట్వేర్ల కొరకు ఖర్చు చేస్తున్న  కోట్లాది రూపాయిల వ్యయాన్ని ఉపాధి కల్పనకు కంప్యుటర్ టీచర్ల జీత భత్యాలకొరకు ఖర్చు చేస్తే బాగుంటుంది. ఈ పద్దతిని అభివృద్ది చెందిన దేశాలైన జర్మనీ,ఫ్రాన్సు, అభివృద్ది చెందుతున్న దేశాలయిన బ్రెజిల్, వెనిజూలా, చైనా వంటి దేశాలే అమలు చేస్తున్నాపుడు, నిత్యం నిధుల కొరతతో సతమవుతున్న మన దేశ,రాష్ట్రా ప్రభుత్వాలు  ఎందుకు అమలు జరపలేక పోతున్నాయన్నదే సందేహం.