కలల ఫోను కోసం కదలిరండి

 నేడు అనేక రకాల ఫోన్లు వివిధ రకాల విశిష్టతలతో మన ముందుకు వస్తున్నాయి. ఎన్ని ఫోన్లు వచ్చినపటికి డెస్క్ టాప్ కి ప్రత్యామ్నాయం కాలేకపోతున్నాయి. ఫోన్ తో చెయ్యగల పనులు మునపటి కన్నా గణణీయంగా పెరిగినప్పటికి ఫోన్లకి గల పరిమితుల వలన డెస్క్ టాప్ ఆధిపత్యం ఇంకా కొనసాగుతూనే ఉంది. డెస్క్ టాప్ ఆధిపత్యాన్ని సవాల్ చేయడానికి మరో అడుగు ముందుకు పడబోతుంది. దానికి మన చేయుత కావాలి. దానికి ప్రతిఫలంగా పరిమితంగా తయారు చేయబడుతున్న కలల ఫోన్లని సొతం చేసుకోవచ్చు.

 గత వారం రోజులుగా నెట్టింట్లో ఎక్కువగా చర్చించబడుతున్న ఈ ప్రాజెక్టు విజయవంతమైతే కచ్చితంగా మనం భవిష్యత్తరం ఫోన్ని తొందరలోనే చూడగలం. వ్యక్తిగత కంప్యూటింగ్ చరిత్రలో మైలు రాయిగా నిలిచిపోయే ఈ కలల ఫోన్లో మొబైల్ ఫోన్ మరియు డెస్క్ టాప్ కలిసి ఉంటాయి. ప్రపంచంలో ఎక్కువగా వాడుతున్న ఉచిత డెస్క్ టాప్ ఆపరేటింగ్ సిస్టం(ఉబుంటు) మరియు మొబైల్ ఆపరేటింగ్ సిస్టం(ఆండ్రాయిడ్) కలయికతో రాబోతున్న ఈ ఫోన్ ప్రజల విరాళాలతో తయారుకాబోతుంది. జన విరాళాల చరిత్ర రికార్డులని చెరిపి మొదటి ఏడురోజులలో ఏడు మిలియన్ డాలర్లను పోగుచేసి లక్ష్యం(32 మిలియన్ డాలర్లు) దిశగా దూసుకుపోతున్నది. అదే ఉబుంటు ఎడ్జ్ ఫోన్. 

ఉబుంటు ఎడ్జ్ ఫోన్ యొక్క విశిష్టతలు: 

• ఆండ్రాయిడ్ మరియు ఉబుంటు మొబైల్ ఆపరేటింగ్ సిస్టం డ్యూయల్ బూట్
• మానీటర్ కి తగిలించగానే డెస్క్ టాప్ కంప్యూటర్ గా మారిపోతుంది
• మల్టికోర్ ప్రాససర్
• 4జిబి రాం 
• 128 జిబి స్టోరేజ్
• మైక్రో సిమ్
• 4.5 అంగుళాల హెచ్ డి తెర
• వజ్రం లాంటి గట్టిదనం గల సఫైర్ క్రిస్టల్ గ్లాస్ తెర
• ముందు 2,వెనుక 8 మెగాపిక్సల్ కెమేరా
• 4G,వైఫి,NFC
• స్టీరియో స్పీకర్లు
• సిలికాన్ ఆనోడ్ లిధియం బేటరి

 

మరింకెందుకు ఆలస్యం కలల ఫోన్ ని విరాళాల ద్వారా సాదించుకుందాం. పూర్తి వివరాలకు ఇక్కడ చూడండి. విరాళాలను ఇక్కడ అందజేయవచ్చు. ఒకవేళ 32 మిలియన్ డాలర్లు లక్ష్యాన్ని చేరుకోలేకపోతే ఎవరి డబ్బు వారికి తిరిగి ఇవ్వబడుతుంది. కలల ఫోన్ కలగానే మిగిలి పోతుంది.

లిబ్రే ఆఫీస్ 4.0.3 విడుదలైంది

 డాక్యుమెంట్ ఫౌండేషన్ ఈరోజు లిబ్రే ఆఫీస్ యొక్క తరువాతి వెర్షన్ అయిన 4.0.3 ని విడుదలచేసింది. సుమారు వంద దోషాలు సరిచేయబడిన 4.0.3 విడుదల ప్రకటన ఇక్కడ చూడవచ్చు.

లిబ్రే ఆఫీస్ 4.0.3 డౌన్లోడ్

 ఉబుంటు, మీంట్ మరియు డెబియన్ వాడేవారు క్రింది ఇవ్వబడిన కమాండ్లను టెర్మినల్ లో నడపడం ద్వారా కూడా ఇన్ స్టాల్ చేసుకోవచ్చు.

•  sudo add-apt-repository ppa:libreoffice/libreoffice-4-0 
• sudo apt-get update
• sudo apt-get install libreoffice

ఆపరేటింగ్ సిస్టంలని గన్న ఆపరేటింగ్ సిస్టం విడుదలైంది

 ఎన్నో ఆపరేటింగ్ సిస్టంలకు మూలంగా నిలిచిన ఆపరేటింగ్ సిస్టం డెబియన్. ఉబుంటు, మింట్ వంటి ప్రముఖ ఆపరేటింగ్ సిస్టంలతో పాటు ఎన్నో గ్నూ లినక్స్ ఆపరేటింగ్ సిస్టంలు దీనిని ఆధారంగా తయారుచేయబడినాయి. ఉచిత స్వేచ్ఛా సాఫ్ట్వేర్ సిధ్దాంతాలకు అనుగుణంగా తయారుచేయబడిన డెబియన్ని లినక్స్ ఆపరేటింగ్ సిస్టంలలో కెల్ల స్థిరమైనదిగా, బధ్రత గలిగినదిగా చెబుతారు. అన్నిరకాల కంప్యూటర్లలో (టాబ్లెట్లు, డెస్క్ టాప్, సర్వర్,ఇంటెల్, ఎఎమ్ డి, ఎఆర్ ఎమ్) పని చేస్తుంది. కనుక దీనిని యూనివర్సల్ ఆపరేటింగ్ సిస్టం అంటారు. సుమారు రెండు సంవత్సరాల ఆభివృధ్ది తరువాత డెబియన్ యొక్క తాజా వెర్షను 7.0 నిన్న విడుదలైంది. ఆధికార విడుదల ప్రకటనని ఇక్కడ చూడవచ్చు. 

డెబియన్ 7.0 డౌన్లోడ్

ఆండ్రాయిడ్ కోసం లిబ్రే ఆఫీస్ రాబోతుంది

 ప్రపంచంలో ఎక్కువ పరికరాల్లో వాడబడుతున్న ఆపరేటింగ్ సిస్టంగా ప్రసిధ్ది చెందిన ఆండ్రాయిడ్ కి ఇప్పటికే పలు ఆఫీస్ అనువర్తనాలు ఉన్నప్పటికి వాటిలో ఉచితంగా లభించేవి కొన్నే. వాటిలో అన్ని ఫార్మాటులకి మధ్దతు ఇవ్వగల ఉచిత ఆఫీస్ అనువర్తనాలు ఇంకా తక్కువ. డెస్క్ టాప్ ఆఫీస్ సూట్ లలో వాణిజ్య ఆఫీస్ అనువర్తనాలకి ప్రత్యామ్నాయంగా నిలిచిన ఉచిత స్వేచ్ఛా సాఫ్ట్వేర్ అయిన లిబ్రే ఆఫీస్ ఇప్పుడు ఆండ్రాయిడ్ కి కూడా ఆఫీస్ అనువర్తనాన్ని తయారుచేస్తుంది. అభివృధ్ది దశలో ఉన్న ఆండ్రాయిడ్ కోసం లిబ్రే ఆఫీస్ ని ఇక్కడ నుండి దింపుకోని ప్రయత్నించి చూడవచ్చు.

గూగుల్ నెక్సాస్ 7లో లిబ్రే ఆఫీస్

ఉచిత ఆపరేటింగ్ సిస్టం వాడేవారు సరైన ప్రింటర్ని ఎంచుకోవడం ఎలా?

 వ్యక్తుల నుండి మొదలుకొని చిన్న, మధ్య అంతెందుకు పెద్ద సంస్థలు కూడా వ్యయ నియంత్రణలో బాగంగా సాఫ్ట్ వేర్లకు వేలకువేలు పోయడం మాని  ఉచిత స్వేచ్ఛా ఆపరేటింగ్ సిస్టంల వైపు చూస్తున్నారు. అంతేకాకుండా నఖిలీ సాఫ్ట్ వేర్లను వాడడం అంటే అవమానంగా భావించేవారి సంఖ్య బాగా పెరగడం వలన, కనీస సాంకేతిక పరిజ్ఞానం గలవారు పెరగడం, అంతర్జాలం తక్కున ధరకు అందుబాటులోకి రావడం, బ్లాగులు సామాజిక అనుసంధాన వేధికలలో మెళకువలు మరియు చర్చల ఫలితంగా ఉచిత స్వేచ్ఛా ఆపరేటింగ్ సిస్టం వాడేవారి సంఖ్య గణనీయంగా పెరిగింది.

 ఉచిత ఆపరేటింగ్ సిస్టం వాడెవారు తమకి తగిన పరికరాలను కొనుక్కోవడం ద్వారా అంటే ఉచిత స్వేచ్ఛా ఆపరేటింగ్ సిస్టంలకి తగిన డ్రైవర్ల మధ్దతు అందిస్తున్న సంస్థలచే తయారుచేయబడిన పరికరాలను కొనుగోలు చేయడం వలన మనం ఇబ్బంది లేకుండా ఆ పరికరాలను వాడుకోవడమే కాకుండా ఉచిత స్వేచ్ఛా సాఫ్ట్వేర్ సంసృతికి మధ్దతు ఇచ్చిన వాళ్ళము అవుతాము. దానితో మిగిలిన సంస్థలు కూడ తమతమ పరికరాలను ఉచిత స్వేచ్ఛా ఆపరేటింగ్ సిస్టంలలో పనిచేసే విధంగా తయారుచేయడం అనివార్యమవుతుంది. దీని వలన ఒకే సంస్థ యొక్క గుప్తాదిపత్యం తగ్గి తయారీ సంస్థల మధ్య పోటి పెరిగి వినియోగదారులకు సరసమైన ధరలకు పరికరాలు లభిస్తాయి.

 ఇకఉచిత స్వేచ్ఛా ఆపరేటింగ్ సిస్టంలకు పూర్తి స్థాయి మధ్ధతునిచ్చు ప్రింటర్ల విషయానికొస్తే వాటిలో అగ్రస్థానం నిస్సంధేహంగా హెచ్.పి. వాడివే. చాలా విభాగాల్లో అగ్రస్థానంలో ఉన్న హెచ్.పి. వాడు తమ ప్రింటర్లు ఉచిత స్వేచ్ఛా ఆపరేటింగ్ సిస్టంలలో పనిచేసే విధంగాతయారుచేయడమే కాకుండా వాటికి తగిన డ్రైవర్ల మధ్దతు కూడా అందించడం నిజంగా చాలా మంచి విషయం. ఇప్పటికే వివిధ పరికరాల తయారిధారులు మధ్దతునిస్తున్నప్పటికి కొన్ని పరికరాల తయారీధారులు కొన్ని సంస్థల చేతిలో బందీలై తమ పరికరాలను ఉచిత స్వేచ్ఛా ఆపరేటింగ్ సిస్టంలలో పనిచేయకుండా చేయడం ద్వారా వాణిజ్య ఆపరేటింగ్ సిస్టంలను కొనేటట్లుగా వారికి పరోక్షంగా సహకరిస్తున్నారు. వారుకూడా బుద్దిగా హెచ్.పి. వాడిలా వినియోగధారులను వాణిజ్య సాఫ్ట్వేర్లను బలవంతంగా కొనేటట్లు చేయకుండా ఉచిత స్వేచ్ఛా ఆపరేటింగ్ సిస్టంలలో పనిచేసే విధంగా పరికరాలను తయారుచేసి, వాటికి సరైన డ్రైవర్ల మధ్దతునివ్వడం ద్వారా వినియోగధారులని వారిష్టం వచ్చిన ఆపరేటింగ్ సిస్టం వాడుకొనేటట్లు గౌరవిస్తే ఆయా పెద్ద సంస్థల కిటికీలను మూసి మనం ఉచిత స్వేచ్ఛా ఆపరేటింగ్ సిస్టంలకి తలుపులు తెరుచుకోవచ్చు. 

  హెచ్.పి. వాడు తన ప్రింటర్లకి ఉచిత స్వేచ్ఛా ఆపరేటింగ్ సిస్టంలలో పనిచేయడం కోసం Hewlett-Packard Linux Imaging & Printing అన్న పరిష్కారాన్ని అందిస్తున్నాడు. 2220 వివిధ రకాల ప్రింటర్లు ముద్రణకి, స్కానింగ్ మరియు ఫాక్స్ కి మధ్ధతినిచ్చు విధంగా తయారుచేసిన HPLIP పూర్తిగా స్వేచ్ఛా సాఫ్ట్వేర్. డెబియన్, ఉబుంటు, మింట్ మరియు ఫెడోరా వంటి అన్ని ప్రసిధ్ది పొందిన ఉచిత స్వేచ్ఛా ఆపరేటింగ్ సిస్టంలలో పనిచేస్తుంది. పూర్తి సమాచారం మరియు HPLIP డౌన్లోడ్ మరియు ఇన్స్టాల్చేయు విధానం కొరకు ఇక్కడ చూడవచ్చు. కనుక ఉచిత స్వేచ్ఛా ఆపరేటింగ్ సిస్టం వాడేవారు HP ప్రింటర్లను వాడడం మేలు.