చైనా అధికారిక ఆపరేటింగ్ సిస్టం ?

 అన్ని రంగాలలో అగ్రస్థానానికై పరుగులు పెడుతున్న చైనా కన్ను ఇప్పుడు స్వేచ్ఛా సాఫ్ట్వేర్ల పై పడినట్లుంది. చైనా ప్రభుత్వ సంస్థలైన నెషనల్ యూనివర్సిటి ఆఫ్ డిఫెన్స్ టెక్నాలజి, ది చైనా సాఫ్ట్వేర్ అండ్ ఇన్టిగ్రేటెడ్ చిప్ ప్రమోషన్ సెంటర్ మరియు ప్రపంచ ప్రసిద్ది చెందిన ఒపెన్ సోర్స్ ఆపరేటింగ్ సిస్టం తయారీదారు అయిన కనోనికల్ కార్పోరేషన్ తో పనిచేయడానికి నిర్ణయించుకున్నాయి. రానున్న ఐదు సంవత్సరాల వ్యవధిలో చైనాలో ఒపెన్ సోర్స్ సాఫ్ట్వేర్ల వాడకం పెంచడం వీరి భాగస్వామ్య ముఖ్యోధ్దేశం.

 ఇప్పటికే ఉబుంటు చైనా వెర్షను(ఉబుంటు కైలిన్) అందుబాటులో ఉంది. రాబోయే ఉబుంటు కైలిన్ 13.04 లో చైనా కి తగిన విధంగా అంటే కీ బోర్డ్, కాలెండర్, సెర్చ్ ఇన్జిన్లు వారికి తగినట్లుగా మార్చుతున్నారు. మరి మనోళ్ళు ఎప్పుడు మేల్కొంటారో. లేకపోతే కిటికీల వాడికి గుత్తకి ఇస్తారేమో?

అప్ డేట్స్ అంటే ఏమిటి. వాటి వలన ఉపయోగం ఏంటి?

ఫోన్, టాబ్లెట్ లేదా కంప్యూటర్ ఇలా ప్రతి దానిలోను నెట్ తగిలించగానే అప్ డేట్స్ అందుబాటులో ఉన్నాయి అని తరచు విసిగిస్తుంటాయి. అసలు అప్ డేట్స్ అంటే ఏమిటి. వాటి వలన ఉపయోగం ఏంటి. మనమేం చేయాలి. 

 సాఫ్ట్ వేర్లు విడుదలచేసిన తరువాత తయారీదారు ఆ సాఫ్ట్ వేర్ లో ఉన్న బధ్రతా పరమైన లోపాలను, పనితీరులో లోపాలు సరిచేసి లేదా మరికొన్ని విశిష్టతలను అధనంగా జతచేసి మనకు అప్ డేట్స్ రూపంలో అందిస్తారు. అప్ డేట్స్ ఆపివేస్తే ఆ ప్రయోజనాలను మనం కోల్పోయినట్లే. అప్ డేట్స్ చేసుకోవడం వలన మనకొచ్చే నష్టం ఏమీ ఉండదు లాభం తప్ప. అందువలన నిస్సందేహంగా అప్ డేట్స్ చేసుకోవచ్చు.

షేర్/లైక్ చేయకుండానే 1500 రూ విలువచేసే సాఫ్ట్ వేర్ ఉచితంగా పొందండి

 పైళ్ళను జిప్ చేయడనికి సాధారణంగా మనం ఉపయోగించు సాఫ్ట్ వేర్లు ప్రతి సారి కొనుక్కోమని విసిగిస్తుంటాయి. విరివిగావాడు ఆ సాఫ్ట్ వేర్లు మనం ఖరీదు చేయబోతే పైన చిత్రాలలో మాదిరిగా 1500 రూపాయలకి తక్కువ కాకుండా వాటి వెల ఉంటుంది. ఎప్పుడో ఒకసారి వాడే సాఫ్ట్వేర్ కి అంత మొత్తం ఏ సగటు కంప్యూటర్ వాడుకరి వెచ్చించడానికి ఇష్టపడడు. గతిలేక వాడుతున్న వాటికి ఏమాత్రం తీసిపోని ప్రత్యామ్నాయం ఉందని తెలియకవాటికి ప్రాచూర్యం కల్పించడానికి అన్నట్లు ఆదే సాఫ్ట్వేర్ ట్రయిల్ ని వాడుతుంటారు.

  కొనుక్కునే వాటికి ఏమాత్రం తీసిపోని పైళ్ళను జిప్ చేయు సాఫ్ట్వేర్ ఉచితంగా మనం పొందవచ్చు. దీనిపేరు 7జిప్. ఇది ప్రచారం కోసం ఉచితంగా ఇస్తున్న సాఫ్ట్ వేర్ కాదు. ఇది ఒపెన్ సోర్స్ సాఫ్ట్ వేర్. దీనిని ఎవరైనా ఉచితంగా పొందవచ్చు. షేర్ లేదా లైక్ చేయనవసరంలేకూండానే ఎవరైనా క్రింది లంకె నుండి దింపుకోవచ్చు.

 

ఫేస్ బుక్ వీడియోలు డౌన్లోడ్ చేయడం ఎలా?

 ఫేస్ బుక్ లో రకరకాల వీడియోలు చూస్తుంటాము. వాటిని డౌన్లోడ్ చేసుకోవడానికి ఎటువంటి సదుపాయం ఉండదు. ఇక్కడ వివరించినట్లు మనకు నచ్చిన వీడియోలను చాలా సులభంగా డౌన్లోడ్ చేసుకోని మనకిష్టం వచ్చినపుడు  చూసుకోవచ్చు. ఫ్లాష్ వీడియో డౌన్లోడర్ అను ఫైర్ ఫాక్స్ యాడ్ ఆన్ ని ఉపయోగించి ఫేస్ బుక్ వీడియోలే కాకుండా యు ట్యూబ్ మరియు వివిధ వీడియో మరియు ఫ్లాష్ గేమింగ్ సైట్ల నుండి వీడియోలను, గేమ్స్ డౌన్లోడ్ చేసుకోవచ్చు. ఈ యాడ్ ఆన్ ని క్రింది లంకె నుండి డౌన్లోడ్ చేసుకోవచ్చు.

https://addons.mozilla.org/en-US/firefox/addon/flash-video-downloader

యాడ్ ఆన్ ఇన్ స్టాల్ చేసిన తరువాత యుఆర్ యల్ బార్ ప్రక్కన బాణం గుర్తు కనిపిస్తుంది.  ఫ్లాష్ వీడియోలు గల వెబ్ పేజీ లోనికి వెళ్ళినపుడు బాణం గుర్తు నీలం రంగు లోకి మారుతుంది. అప్పుడు దాన్ని నొక్కి వీడియో డౌన్లోడ్ ని ప్రారంభించవచ్చు.

మన ప్రభుత్వం ఉచితంగా అందిస్తున్న తెలుగు ఫాంట్లను ఎలా ఉపయోగించుకోవచ్చు?

 మన ప్రభుత్వం కంప్యూటర్లలో తెలుగు భాషా వాడకం పెంచడం కోసం తన వంతు ప్రయత్నంగా తెలుగు ఫాంట్లను ఉచితంగా అందరికి అందుబాటు లో ఉంచిన విషయం తెలిసిందే. వాటిని ఏవిధంగా సులభంగా సగటు కంప్యూటర్ వాడుకరి ఉపయోగించుకోవచ్చునో ఇక్కడ వివరించబడినది.

 మొదట మనం మనకు కావలసిన ఫాంట్లను తెలుగు విజయం సైటు నుండి దిగుమతి చేసుకోవాలి. తరువాత ఆ ఫాంటును డబుల్ క్లిక్ చేసినపుడు క్రింద చిత్రంలో వలే కనిపించును.

  ఇక్కడ ఇన్ స్టాల్ ని నొక్కినపుడు ఆ ఫాంటు మన కంప్యూటర్లో ఇన్ స్టాల్ చేయబడుతుంది. తరువాత క్రింది చిత్రంలో వలే ఇన్ స్టాల్డ్ అని చూపించును.

అంతే ఇక ఆ ఫాంటున మన కంప్యూటర్లో ఇన్ స్టాల్ అయి ఉన్న ప్రోగ్రాములు వాడుకోవడానికి అందుబాటులో ఉన్నట్లే. మనం ఇప్పుడు ఆ ఫాంటును ఈవిధంగా వర్డ్ లో ఉపయోగించుకొవచ్చు.

ఈవిధంగా వివిధ తెలుగు ఫాంట్లను వాడుకొని ఆకర్షణీయంగా డాక్యుమెంట్లను తయారుచేసుకోవచ్చును.

 మనం ఆ డాక్యుమెంట్ ని ఫాంటు ఇన్ స్టాల్ చేయని కంప్యూటర్లో తెరచినపుడు అది క్రింది చిత్రంలో వలే సాధారణంగా కనిపించును.

 ఆ డాక్యుమెంట్ వేరెవరికైనా పంపవలసినపుడు ఈ టపాలో చూపించినట్లుగా పిడియఫ్ గా మార్చి పంపిస్తే వారు కూడా ఎటువంటి ఇబ్బంది లేకుండా మీరు పంపిన డాక్యుమెంట్ ని యధాతధంగా చూడడానికి అవకాశం ఉంటుంది. పిడియఫ్ లోకి మార్చిన డాక్యుమెంట్ ని క్రింద చూడవచ్చు.