మొబైల్ ఫోన్ రంగంలో ఆండ్రాయిడ్ ఫోన్ సృష్టించిన సంచలనం అందరికి తెలిసిందే.ఆండ్రాయిడ్ ని గూగుల్ సంస్థ లినక్స్ కర్నెలు పై ఓపెన్ సోర్స్ విధానంలో రూపొందించినది.ఆనతికాలం లోనే జన ప్రాచుర్యం పొంది ఆండ్రాయిడ్ మొబైల్ ఆపరేటింగ్ సిస్టములలో అగ్రగామిగా నిలిచింది.ఆండ్రాయిడ్ ఇచ్చిన స్పూర్తితో లినక్స్ ఫౌండేషన్ వారి ఆరధ్యంలో ఇంటెల్ , సామ్ సంగ్ వంటి పెద్ద కంపెనీల సహకారంతో ఓపెన్ సోర్స్ విధానంలో మరో కొత్త మొబైల్ ఆపరేటింగ్ సిస్టము ప్రారంభమైనది.దాని పేరు టిజెన్. దీనిని ఒక్క మొబైల్ ఫోన్ల కోసమే కాకుండా టాబ్లెట్లు,నెట్ బుక్,స్మార్ట్ టివి,వాహనాలలో సమాచారాన్ని,వినోదాన్ని అందించే పరికరాలలో పనిచేసే విధంగా రూపొందిస్తున్నారు.ఈమద్యనే మొదటి సాఫ్ట్వేర్ డెవలపర్ కిట్ ని(ఉబుంటు,యక్స్ పి మరియు 7 కొరకు) విడుదలచేసారు.మరిన్ని వివరాలకు టిజెన్ సైటును చూడండి.
