నెమ్మదిగా ఉన్న కంప్యూటర్లలో కూడా వేగంగా PDF ఫైళ్ళను తెరవడానికి

 ఎక్కువ పరిమాణం గల PDF ఫైళ్ళను నెమ్మదిగా ఉన్న కంప్యూటర్లలో కూడా వేగంగా తెరవడానికి MuPDF అను చిన్న, వేగవంతమైన, స్వేచ్ఛా సాఫ్ట్వేర్ ఉపయోగపడుతుంది. దీనిలో అదనపు హంగులు లేకుండా అతి తక్కువ పరిమాణంలో ఉండడం వలన ఇది చాలా వేగంగా పనిచేస్తుంది.దీనిని వాడడానికి తప్పనిసరిగా కీబోర్డ్ షార్ట్ కట్స్ ని ఉపయోగించాలి. ఇది లినక్స్ , విండోస్ , ఆండ్రాయిడ్ మరియు ఐ ఒయస్ లందు పనిచేస్తుంది. 

ఉబుంటు వాడువారు సరికొత్త వెర్షనుని ఇన్ స్టాల్ చేయడానికి క్రింద ఇవ్వబడిన కమాండ్లను రన్ చేయాలి.
sudo add-apt-repository ppa:guilhem-fr/mupdf
sudo apt-get update
sudo apt-get install mupdf
MUPDF

ఫైర్ ఫాక్స్ 15

 ప్రముఖ ఒపెన్ సోర్స్ వెబ్ బ్రౌసర్ అయిన ఫైర్ ఫాక్స్ యొక్క కొత్త వెర్షను ఫైర్ ఫాక్స్ 15 ఈరోజు విడుదల కాబోతుంది. PDF ఫైళ్ళను తెరవడానికి కావలసిన సామర్ధ్యం, మెరుగు పరచబడిన యాడ్ ఆన్ల మెమొరీ వాడకం, అభివృధ్ది పరచబడిన విశిష్టతలతో మరియు సవరించిన దోషాలతో విడుదల కాబోతుంది. దీనిని ఉచితంగా ఫైర్ ఫాక్స్ వెబ్ సైటు నుండి డౌన్లోడ్ చేసుకోవచ్చు. ఇప్పటికే ఫైర్ ఫాక్స్ వాడుతున్నవారు అప్ డేట్ చేసుకుంటే సరిపోతుంది. ఉబుంటు వాడుతున్న వారు తొందరలో ఉబుంటు అప్ డేట్స్ ద్వారా ఫైర్ ఫాక్స్ 15 ని పొందుతారు.

గమనిక: ఫైర్ ఫాక్స్ 15 లో PDF ఫైళ్ళను తెరవడానికి కావలసిన సామర్ధ్యం కల్పించలేదు. పూర్తి సిద్దం కాకపోవడం వలన  చివరి వరకు ఫైర్ ఫాక్స్ 15 బీటాలో ఉన్న ఈ సదుపాయాన్ని ఫైర్ ఫాక్స్ 15 లో అందించలేదు. వచ్చే విడుదలలో PDF ఫైళ్ళను తెరవడానికి కావలసిన సామర్ధ్యం అప్రమేయంగా అందుబాటులోకి రావచ్చు.

ఉచిత తెలుగు సాఫ్ట్వేర్ సీడీ

  సమాచార,సాంకేతిక సంచార మంత్రిత్వ శాఖ భారతప్రభుత్వం వారు భారతీయ భాషలలో సమాచార మార్పిడికి ఉపకరణాలను, మెలకువలను రూపొందించేందుకు భారతీయ భాషల కోసం సాంకేతిక విజ్ఞానాభివృద్ధి అనే కార్యక్రమాన్ని ప్రారంభించింది.భాషాపరమైన అడ్డంకులు లేకుండా మనిషి, యంత్రం (కంప్యూటర్) మధ్య పరస్పర సమన్వయాన్ని రూపొందించడం, బహుభాషల విజ్ఞాన వనరులను ఏర్పాటు చేయడం, సృజనాత్మక సమాచార ఉత్పాదనలను, సేవలను రూపొందించడం వంటి లక్ష్యాలతో ఈ కార్యక్రమం ప్రారంభించారు.దీనిలో భాగంగా కార్పోరా, నిఘంటువులు, ఫాంట్లు, టెక్‌స్ట్ ఎడిటర్, పదబంధాల పరిశీలనావ్యవస్థ, ఓసిఆర్, టెక్ట్స్ టూ స్పీచ్ వంటి సమాచార ప్రకియ ఉపకరణాలను రూపొందించేందుకు పథకాలను చేపట్టారు.అంతేకాకుండా భారతీయ భాషలలో బ్రౌజర్లు, సమాచారం కోసం అన్వేషణ జరిపే సెర్చ్ ఇంజన్లు, ఇ.మెయిల్ వంటి ఇంటర్ నెట్ ఉపకరణాలను అందుబాటులో ఉంచారు.అభివృద్ధి చేయబడిన ఈ సాఫ్ట్ వేర్ ఉత్పత్తులను, సేవలను అందరికీ అందచేయడానికి www.ildc.gov.in మరియుwww.ildc.in అను రెండు వెబ్ సైట్లను ఏర్పాటు చేసింది. వీటిని ఎవరైనా ఉచితంగా డౌన్ లోడ్ చేసుకోవచ్చు. మీరు కోరితే దీనికి సంబంధిచిన సీ.డీ. కూడా ఉచితంగా పంపుతారు.

తెలుగు సాఫ్ట్వేర్ ఉపకరణాలు సీడీ




కంప్యూటరు వాడే మరియు కంప్యూటర్లు బాగుచేసేవారి ప్రతిఒక్కరి దగ్గర ఉండవలసిన సీడీ




 కంప్యూటరు వాడే మరియు కంప్యూటర్లు బాగుచేసేవారి ప్రతిఒక్కరి దగ్గర ఉండవలసిన సీడీ అల్టిమేట్ బూట్ సీడీ.దీనిని పూర్తిగా ఉచితంగా డౌన్లోడ్ చేసుకోవచ్చు.దీనిలో వందకి పైగా స్వేచ్చా మరియు ఉచిత హార్డ్వేర్ డాయగ్నసిస్ టూల్స్ ని నిక్షిప్తము చేసారు.దీనిని  కంప్యూటరు దోషాలను నిర్దారించడానికి, వాటిని సరిదిద్దడానికి మరియు డేటా రికవరీ చేయడానికి ఉపయోగించవచ్చు. దీనిని పెన్ డ్రైవ్ నుండి కూడా వాడుకోవచ్చు.ప్లాపీ నుండి నడిపించు హార్డ్వేర్ డాయగ్నసిస్ టూల్స్ ని కూడా అల్టిమేట్ బూట్ సీడీ నుండి వాడుకోవచ్చు.


అల్టిమేట్ బూట్ సీడీ గల హార్డ్వేర్ డాయగ్నసిస్ టూల్స్

BIOS

!BIOS 3.20 Freeware    
BIOS 1.35.0 Freeware
CMOSPWD 5.0 GPL  
KEYDisk GPL    
WipeCMOS 1.2 Freeware   

CPU

CPU Burn-in 1.00 Freeware 
CPUinfo GPL    
Mersenne Prime Test 24.14 Public domain   
Stress 1.00 GPL                                                      
StressCPU (requires CPU with SSE) 2.0 Freeware       
x86test 0.10a GPL

Boot Management

Boot Partition 2.60 Freeware                   
boot.kernel.org (BKO) Freeware    
EditBINI 1.01.1 Freeware    
 Gujin 2.8.4 GPL    
MBRtool 2.3.200 Freeware    
MBRWork 1.08 Freeware    
netboot.me Freeware    
PLoP Boot Manager 5.0.12 Free for personal use    
Smart BootManager 3.7.1 GPL    
SPFDISK (Special FDISK) 2000-03v Freeware  
Super Grub Disk 0.9799 GPL  
Super Grub2 Disk 1.98s1 GPL  
XFDISK (Extended FDISK) 0.9.3 betaFreeware  

Data Recovery

Offline NT Password & Registry Editor 110511
PhotoRec 6.12 GPL 
TestDisk 6.12 GPL    

Hard Disk Information & Management

AMSET (Maxtor) 4.00 Freeware    
ATAINF 1.3 Freeware    
ATA Password Tool 1.1 Freeware   
Change Definition Utility (for Fujitsu M16xx/M2915 HDDs) Freeware    
DiskCheck 4.0.6 Freeware    
DISKINFO 1.02 Freeware    
ESFeat (ExcelStor) 2.30 Freeware  
Feature Tool (IBM/Hitachi) 2.15 Freeware    
GSmartControl 0.8.6 GPL 
SMARTUDM 2.00 Freeware    
UATA100 (Seagate) 3.06 Freeware    
UDMA Utility (for Fujitsu MPD/MPE/MPF series HDDs) Freeware    
UDMA Utility (for Fujitsu MPG series HDDs) Freeware   
Ultra ATA Manager (Western Digital) June, 2003 Freeware  
WDIDLE3 (Western Digital) 1.05 Freeware     

Hard Disk Diagnosis 

ATA Diagnostic Tool (Fujitsu) 7.0 Freeware  
DLG Diagnostic (Western Digital) 4.15 Freeware Drive Fitness Test (IBM/Hitachi) 4.16 Freeware    
ES-Tool (Samsung) 3.01v Freeware    
ESTest (ExcelStor) 4.50 Freeware    
GWSCAN (Gateway) 3.15 Freeware
GWSCAN (Gateway) 5.12 Freeware
HDAT2 4.5.3 Freeware    
HDAT2 4.8.1 Freeware    
HUTIL (Samsung) 1.21 Freeware  
HUTIL (Samsung) 2.10 Freeware   
MHDD 324.5 Freeware   
MHDD 324.6 Freeware    
PowerMax (Maxtor/Quantum) 4.09 Freeware    
PowerMax (Maxtor/Quantum) 4.23 Freeware    
SCSIMax (Maxtor/Quantum) 1.21 Freeware    
SHDIAG (Samsung) 1.25 Freeware  
ViVARD 0.4 Freeware 

Hard Disk Cloning

CopyWipe 1.14 Freeware   
EaseUs Disk Copy 2.3.1 Freeware  
g4u 2.4 BSD    
HDClone (Free Edition) 4.0.6 Freeware    
partimage 0.6.9 GPL
Partition Saving 3.90 Freeware     

Hard Disk Low-Level Editing

Disk Editor 3.0 Freeware     
DISKMAN 44.01 Freeware    
PTS DiskEditor 1.04 Freeware 

Hard Disk Wiping

Active@ KillDisk Free Edition 4.1.2393 Freeware
CopyWipe 1.14 Freeware    
Darik's Boot and Nuke 2.2.6 BetaGPL  
Fujitsu Erase Utility 1.00 Freeware  
HDDErase 4.0 Freeware    
HDShredder (Free Edition) 3.8.1 Freeware    
MAXLLF (Maxtor) 1.1 Freeware   
PC INSPECTOR e-maxx 0.95 Freeware 
SUTIL (Samsung) 1.01 Freeware   

Hard Disk Installation

Data Lifeguard Tools (Western Digital) 11.2 Freeware  
DiscWizard 2003 (Seagate) 10.45.06 Freeware    
DiscWizard (Seagate/Maxtor) 11.0.8326 Freeware Disk Manager (IBM) 9.57 Freeware   
Disk Manager (Samsung) 10.42 Freeware  
MaxBlast (Maxtor) 4.0 Freeware 

Partition Management   

Cute Partition Manager 0.9.8 Freeware    
Dsrfix 3.12 Freeware  
FIPS 2.0 GPL    
Free FDISK1.3.1GPL     
GParted 0.8.1 GPL
Partinfo 1.11 Freeware  
Partition Resizer 1.3.4 Freeware    
Partition Saving 3.90 Freeware    
PTDD Super Fdisk 1.0 Freeware  
Ranish Partition Manager 2.40 Freeware 
SPFDISK (Special FDISK) 2000-03v Freeware    
XFDISK (Extended FDISK) 0.9.3 betaFreeware 

Memory 

AleGr MEMTEST 2.00Free for personal use   
DIMM_ID 3.57 GPL   
Memtest86 4.0 GPL    
Memtest86 3.5b GPL   
Memtest86+ 4.20 GPL     
TestMemIV Freeware    
Windows Memory Diagnostic UBCD Only    

Others

FileLink 3.01 Freeware 
Kon-Boo t1.0 Free for personal use    
Parted Magic 6.6 GPL Full list of programs can be found here 
UBCD FreeDOS R1.44 Based on NwDsk V3.40.   

Peripherals

ATAPI CDROM Identification 2.22 Freeware    
CD Index 1.1 Freeware    
CHZ Monitor-Test 2.0 Freeware    
Parallel Port Information System 1.45 Freeware   

System

AIDA16 2.14
ASTRA (Demo version) 5.50 14-day Demo    
HWiNFO 5.5.2 Freeware    
NSSI 0.60.45 Freeware    
PC-Config 9.33 Freeware
PCI 1.1 Freeware
PCISniffer 1.5 Freeware   
System Speed Test 32 4.78 Freeware               

సులభంగా వాడదగ్గ వీడియో కన్వర్టర్

 విన్FF అనేది సులభంగా వాడదగ్గ వీడియో కన్వర్టర్. ఇది విండోస్ మరియు లినక్స్ ఆపరేటింగ్ సిస్టములలో వీడియోలను వివిధ పార్మాటులలోకి మార్చడానికి ఉపయోగపడుతుంది. ఇది పూర్తిగా స్వేచ్ఛా సాఫ్ట్వేర్. దీనిని ఉపయోగించి సులభంగా, వేగంగా వీడియోలను కన్వర్ట్ చేసుకోవచ్చు. దీనిలో సాధారణంగా ఉపయోగించే వీడియో ఫార్మాట్లకి సంబందించిన పలురకాల ప్రీసెట్లను కలిగిఉండును. వివిధ ఫార్మాట్లలో ఉన్న వీడియోలను ఒకేసారి ఒక ఫార్మాటులోకి మార్చుకోవచ్చు. 



ఉబుంటు 12.10 లో యునిటీ డెస్క్ టాప్ కొత్త విశిష్టతలు

 ఉబుంటు రాబోయే విడుదల (12.10) లో యునిటీ డెస్క్ టాప్ కొత్త విశిష్టతలతో రాబోతుంది. ప్రస్థుతం అభివ్రుధ్ది దశలో ఉన్న 12.10 యునిటీ డెస్క్ టాప్ యొక్క మార్పులను ఈ వీడియోలో చూడవచ్చు.



ఆన్ లైన్ లో మరో 5GB ఉచిత స్టోరేజ్

 కనోనికల్ లిమిటెడ్ వారు ఆన్ లైన్ లో 5GB ఉచిత స్టోరేజ్ ని ఉబుంటు వన్ పేరు తో అందిస్తున్నారు. మీకు ఇప్పటికే లాంచ్ పాడ్ లో ఖాతా ఉంటే మీరు నేరుగా ఉబుంటు వన్ కి లాగిన్ కావచ్చు. లేదా అప్పటికప్పుడు కొత్త ఖాతాని నమోదు చేసుకోవచ్చు.ఉబుంటు,విండోస్,మాక్  మరియు ఆండ్రాయిడ్ ఆపరేటింగ్ సిస్టం లకు మద్దతు కలదు. మరిన్ని వివరాలకు
ఉబుంటు వన్ సైట్ ని చూడండి.

ఉబుంటులో గూగుల్ ఎర్త్ ఇన్ స్టాల్ చేయువిధానం

 ఉబుంటులో గూగుల్ ఎర్త్ ఇన్ స్టాల్ చేయడం చాలా సులభం. మొదట ఇక్కడ నుండి గూగుల్ ఎర్త్.deb ఫైల్ని డౌన్లోడ్ చేసుకొని దానిని డబుల్ క్లిక్ చేయడమే.


ఉబుంటు!ఉబుంటు! ఉబుంటు! అసలి ఉబుంటు అంటే ఏంట్రా బాబు?

ఉబుంటు అంటే ఏంటి?

ఉబుంటు అనగా లినక్స్ కర్నెల్ పై నిర్మించబడిన డెబియన్ ఆధారిత ఉచిత కంప్యూటర్ ఆపరేటింగ్ సిస్టం.

ఎక్స్ పి వాడిదా?

కాదు బాబు!కనోనికల్ లిమిటెడ్ అని ఇంగ్లాండ్ కంపెని.మార్క్ ‌ షటిల్‌వర్త్ దీనికి  యజమాని.

మరి ఈయన గారికి ఉబుంటు తప్ప ఇంకే పేరు దొరకలేదా?కిటికీలో! తలుపులో ! అని పెట్టుకోవచ్చుకదా?

దక్షిణ ఆఫ్రికా లో బుంటు భాష లో ఉబుంటు అంటే "ఇతరుల పట్ల మానవత్వం చూపించడం".ఆకంపెని సిద్ధాంతం (సాఫ్ట్వ్ వేర్ అనేది ప్రతిఒక్కరికి ఉచితంగా అందాలి దాన్ని వాడడానికి భాష మరియు  శారిరక లోపాలు అడ్డు కాకుడదు ) కూడా అదే.

బాగానే ఉంది గాని రేటు ఎంత?

ఫ్రీ! అవును నిజంగా ఉచితమే.అంతే కాదు మన ఇష్టం వచ్చిన విధంగా మార్చుకోవచ్చు,కాపి చేసుకోవచ్చు,ఎవరికైనా ఇచ్చుకోవచ్చు.

అందరికి ఒకే సిడి ని ఇస్తే ఇన్ స్టాల్ అయిన తరువాత జన్యున్ మెసేజ్ రాదా?

రాదు,ఎన్ని కంప్యూటర్లలో అయినా చేసుకోవచ్చు.

ఉచితంగా ఇస్తే కంపెని ఎలా నడుపుతారు?

ఆపరేటింగ్ సిస్టం ఎల్లపుడు ఉచితమే .సాంకేతిక సహకార సేవల ద్వారా నిధులు సమకూర్చుకుంటారు.

కొత్తగా వచ్చిందా?

2004 అక్టోబర్ 20న మొదటి వెర్షన్ విడుదలైంది.అప్పటి నుండి ప్రతి ఆరు నెలలకి ఒక వెర్షన్ చొప్పున విడుదలవుతున్నాయి.

ప్రస్థుతం ఏ వెర్షన్ నడుస్తుంది?ఎక్కడ దొరుకుతుంది?

 12.04, ఇక్కడ డౌన్ లోడ్ మరియు ఇన్ స్టాల్ చేయు విధానం ఇవ్వబడినవి.

డెస్క్ టాప్ ఎలా ఉంటుంది?

చెప్పడం ఎందుకు. ఇక్కడ రుచి చూడండి.

మరి నా కంప్యూటర్ లో ఎక్స్ పి ఉంది ఎలా?

ఉబుంటుని నేరుగా సిడి నుండే పని చేసుకోవచ్చు.లేదా పెన్ డ్రైవ్ లో ఇన్ స్టాల్ చేసుకోవచ్చు.లేదా విండోస్ లోకాని,విండోస్ ప్రక్కనగాని ఇన్ స్టాల్ చేసుకోవచ్చు.

నా కంప్యూటర్  హార్డుడిస్క్ లో తక్కువ స్థలం ఉంది ఎలా?

సాధారణ వాడుకరికి 5జిబి సరిపోతుంది.

నా కంప్యూటర్ లో RAM తక్కువ ఉంది ఎలా?

500 యంబి తో కూడ బాగా పనిచేస్తుంది.

నాకు ఇంగ్లీష్ రాదు ఎలా?

తెలుగులో కూడా ఉంది.అంతేకాదు ప్రపంచవ్యాప్తంగా ఉన్న చాలా భాషలలో లభిస్తుంది.

మరి మావాడి లాప్ టాప్ లో ఇన్ స్టాల్ చెయ్యవచ్చా?

చెయ్యవచ్చు.అంతేకాదు విండోస్ నడిచే అన్ని కంప్యూటర్లలో,ఆపిల్,పవర్ పిసి,ఎ ఎండి,సర్వర్ లలో కూడా ఇన్ స్టాల్ చేసుకోవచ్చు.అంతే కాకుండా టీవి,టాబ్లెట్ పిసి,ఫోన్ మరియు ఆండ్రాయిడ్ ఫోన్ మద్ధతు కూడా తొందరలో రాబోతున్నాయి.

నా పాత కంప్యూటర్ పనిచేస్తుందా?

చేస్తుంది.ఉబుంటు నెమ్మదిగా ఉంటే దాని తమ్ముడు లేదా చెల్లి ని ప్రయత్నించవచ్చు.వీటిని పాత,తక్కువ సామర్ధ్యం గల కంప్యూటర్ల కోసమే తయారు చేసారు.

ఎవరు వాడ వచ్చు?

ఎవరైనా.ముఖ్యంగా ఆపరేటింగ్ సిస్టం మరియు ఆఫీస్ సూట్ కి డబ్బు చెల్లించలెనివాళ్ళు,పైరేట్ చెయ్యడం ఇష్టం లేని వాళ్ళు,ఒపెన్ సోర్స్ అంటే ఇష్టం ఉన్న వాళ్ళు.

ఎప్పుడు ఎక్కడ చూడలేదు  ఎవరైనా వాడుతున్నారా?

ఒక్క ఉబుంటునే ప్రపంచ వ్యాప్తంగా రెండు కోట్ల మంది వాడుతున్నారు.మిగిలిన లినక్స్ పంపకాలు కూడా చాలా మంది వాడుతున్నారు.

ఎన్నో పంపకాలుండగా ఉబుంటునే ఎందుకు వాడాలి?

మీకు నచ్చిన,సరిపడినదాన్నే వాడవచ్చు.ఉన్న లినక్స్ పంపకాల్లో ఉబుంటు నే ఎక్కువగా వాడబడుతుంది.అందులోను సాధారణ వాడుకరికి సులభంగాను,ఆకర్షణీయంగాను ఉంటుంది.

మరి సాప్ట్ వేర్ అప్ డెట్స్ ఉంటాయా?   

నిరంతరం ఉంటాయి.

దీనికి ఎంటివైరస్ ఎక్కడ దొరుకుతుంది?రేటు ఎంత?

అవసరం లేదు.లినక్స్ కర్నల్ లోనే ఆ భధ్రతని ఏర్పాటు చేసారు.అవసరం అనుకోంటే ఇన్ స్టాల్  చేసుకోవచ్చు.

ఇంత సాప్ట్ వేర్ ని అభివృద్ధి చేయడానికి మానవవనరులు?
కొంత మంది సిబ్బంది మరియు ప్రపంచవ్యాప్తంగా ఉన్న ఔత్సాహికులు అభివృద్ధి  లో పాలుపంచుకొంటారు.మీరు కూడా అభివృద్ధి  తోడ్పాటునీయవచ్చు.

అన్ని కమర్షియల్ సాప్ట్ వేర్ ల మద్ధతు ఉంటుందా?
లేదు.ఇప్పుడిప్పుడే మార్పు వస్తుంది.ఉదాహరణకి స్కైప్,వియం వేర్,టీం వ్యుయర్,గూగుల్,ఒపెరా,అవాస్త్,నీరో,నోడ్32 వంటివారు లినక్స్ కి కూడా మద్ధతునిస్తున్నారు.ఆదరణ పెరుగుతుంటే  మిగతావారు కూడా తప్పక మద్ధతు నిస్తారు.

బాగా అలవాటై,ప్రాచుర్యం పొందినతరువాత వాణిజ్య సాప్ట్ వేర్ గా మార్చేస్తే?

ఈమధ్య జరిగిన ఒ సంఘటన:బాగా ప్రాచుర్యం పొందిన  ఒపెన్ సోర్స్  సాప్ట్ వేర్ అయిన  ఒపెన్ ఆఫీస్ ని మద్ధతునిచ్చే సన్ సంస్థ ఒరాకిల్ యాజమాన్యం క్రింధికి వచ్చింది.ఒరాకిల్ కి అప్పటికే సింఫని అనే ఆఫీస్ సూట్ ఉంది.ఒరాకిల్ వారు   ఒపెన్ ఆఫీస్ కి మద్ధతు ఉపసంహరిస్తారేమోనని  ఒపెన్ ఆఫీస్ అభివృద్ధిలో పాలుపంచుకుంటున్న ఔత్సాహికులు అప్పటికప్పుడు డాక్యుమెంట్ ఫౌండేషన్ అనే సంస్థని ఏర్పాటు చేసి అందుబాటులో ఉన్న సోర్స్ కోడ్ ని ఉపయోగించి లిబ్రే ఆఫీస్ అను ఒపెన్ సోర్స్ ఆఫీస్ సూట్  ని విడుదల చేసారు.ఈ సంఘటన ద్వారా  ఒపెన్ సోర్స్ శక్తి ఏమిటో మనకు అర్ధమగును.కనుక సందేహించనవసరం లేదు.

దీనిలో అన్ని మిడియా ఫార్మాట్లు ప్లే అవుతాయా?

ఉబుంటు రెస్ట్రిక్టేడ్ ఎక్స్ ట్రాస్ ఇన్ స్టాల్  చేసుకోవడం ద్వారా అన్ని ఫార్మాట్లు ప్లే అవుతాయి.

ఆఫీస్ సూట్ మరలా కొనుక్కోవాలా?

అవసరం లేదు.లిబ్రే ఆఫీస్ అను ఒపెన్ సోర్స్ ఆఫీస్ సూట్ ఆపరేటింగ్ సిస్టం తోనే వస్తుంది.

మరి విండోస్ ఫైల్ లు ఒపెన్ అవుతాయా?

ఆఫీస్ 2007 ఫైల్ ఆఫీస్ 2003 లో ఒపెన్ అవుతుందో లేదో కాని లిబ్రేఆఫీస్ లో మాత్రం ఒపెన్ అవుతాయి.

నాకేమైనా సందేహాలు వస్తే?

నేరుగా ఉబుంటు ని అడగండి.లేదా నెట్ లో ఎన్నో వెబ్ సైట్ లు మరెన్నో  ఔత్సాహిక బ్లాగులు విలువైన సమాచారాన్ని అందిస్తున్నాయి.

ఫైల్ ఏదైనా కన్వర్టర్ ఒకటే

 వీడీయో, ఆడియో, ఇమేజ్ మరియు డాక్యుమెంట్ ఫైళ్ళను ఒక ఫార్మాట్ నుండి మరొక ఫార్మాట్ లోకి మార్చడానికి FF మల్టి కన్వర్టర్ ఉపయోగపడుతుంది. వివిధ ఫార్మాట్లలో గల ఫైళ్ళను ఒకే చోట సులభంగా ఒక ఫార్మాట్ నుండి మరొక ఫార్మాట్ లోకి మార్చడానికి ఇది తయారుచేయబడినది. FF మల్టి కన్వర్టర్ ఉచితంగా లభించు స్వేచ్ఛా సాఫ్ట్వేర్. 

 FF మల్టి కన్వర్టర్ తో మార్చుకోగల ఫైల్ ఫార్మాట్లు:


Audio/Video formats:
  • aac, ac3, afc, aiff, amr, asf, au, avi, dvd, flac, flv, mka, mkv, mmf, mov, mp3, mp4, mpg, ogg, ogv, psp, rm, spx, vob, wav, webm, wma, wmv
And any other format supported by ffmpeg.
Image formats:
  • bmp, cgm, dpx, emf, eps, fpx, gif, jbig, jng, jpeg, mrsid, p7, pdf, picon, png, ppm, psd, rad, tga, tif, webp, xpm
Document file formats:
  • doc -> odt, pdf
  • html -> odt
  • odp -> pdf, ppt
  • ods -> pdf
  • odt -> doc, html, pdf, rtf, sxw, txt, xml
  • ppt -> odp
  • rtf -> odt
  • sdw -> odt
  • sxw -> odt
  • txt -> odt
  • xls -> ods
  • xml -> doc, odt, pdf

 ఉబుంటులో FF మల్టి కన్వర్టర్ ఇన్ స్టాల్ చేయువిధానము:


 ఉబుంటు టెర్మినల్ నందు క్రింద ఇవ్వబడిన మూడు కమాండ్లను ఒకదాని తరువాత ఒకటి రన్ చేయడం ద్వారా FF మల్టి కన్వర్టర్ని ఇన్ స్టాల్ చేసుకోవచ్చు.
sudo add-apt-repository ppa:ffmulticonverter/stable

sudo apt-get update

sudo apt-get install ffmulticonverter

ఉత్తమ మెయిల్ క్లయింట్ ఉచితంగా

 సాధారణంగా ప్రొఫెషనల్ ఆఫీస్ సూట్ తో మాత్రమే మెయిల్ క్లయింట్ వస్తుంది. ఇది ఎంతో ఖర్చుతో కూడుకున్నది. వాణిజ్య మెయిల్ క్లయింట్లకు దీటయిన ప్రత్యామ్నాయంగా తండర్ బర్డ్ అను స్వేచ్ఛా సాఫ్ట్వేర్ని చెప్పుకోవచ్చు. దీనిని ఫైర్ ఫాక్స్ ని తయారుచేసిన లాభాపేక్ష లేని సంస్థ అయిన మొజిల్లా వారు తయారుచేసారు. ఎన్నో విశిష్టతలతో పాటు భద్రత పరంగా కూడా మేటి అయిన ఈ తండర్ బర్డ్ ఉచితంగా లభిస్తుంది. ఉబుంటు లో అప్రమేయంగా ఇది ఇన్ స్టాల్ చేయబడి ఉంటుంది. ఇది మెయిల్ క్లయింట్ గానే కాకుండా RSS ఫీడ్ రీడర్ గాను,అవసరానికి వెబ్ బ్రౌసర్ గా కూడా పనిచేస్తుంది. తండర్ బర్డ్ ని విండోసు, మాక్ మరియు లినక్స్ ఆపరేటింగ్ సిస్టములలో ఇన్ స్టాల్ చేసుకోవచ్చు. ఫైర్ ఫాక్స్ మాదిరిగానే చాలా రకాల యాడ్ ఆన్లు తండర్ బర్డ్ కి కూడా అందుబాటులో ఉన్నాయి.




16 తెలుగు డిక్షనరీలు ఉచితంగా

 ఏదైనా తెలుగు లేదా అంగ్ల పదానికి అర్ధం కావలసినపుడు మనం నిఘంటువు పై ఆధారపడుతుంటాము.దీనికి కొంత సమయం తీసుకుంటుంది.అయితే మనకి కావలసినపుడే చిటికెలో మనకి కావలసిన పదానికి అర్ధం మనముందుంచితె?అదీ ఒకటి కాదు 16 నిఘంటువులను వెతికి మన ముందుఉంచితే?చాల బాగుంటుంది కదు!
 మరెందుకు ఆలస్యం తానా వారి అంధ్ర భారతి తెలుగు నిఘంటువుని చూడండి.ఇక్కడ ఉన్న శోధనలో మనం తెలుగు లేదా అంగ్ల పదాన్ని ఇచ్చినపుడు వెంటనే 16 నిఘంటువులను వెతికి క్షణాల్లో అర్ధాలను మన ముందుంచును.శోధనలో మనం నేరుగా తెలుగులో (ఫోనెటిక్)కూడా టైప్ చేయవచ్చు.మనం అక్షరాలను టైప్ చేస్తుండగానే గూగుల్ మాదిరిగా దానికి సంభందించిన పదాలను చూపిస్తుంది.
 తొందరలో మరిన్ని నిఘంటువులను జతచేయ బోతున్నారు.ఈ పక్రియని వేగవంతం చేయడానికి మన మద్దతు కోరుతున్నారు.రండి మన తెలుగు వారికీ ఎంతో ఉపయోగపడే ఈ తెలుగు నిఘంటువుకి తోడ్పాటునిద్దాం.

తప్పక చూడవలసిన భారత ప్రగతి ద్వారం

 భారత ప్రగతి ద్వారం(India Development Gateway) అనే ఈ వెబ్ పోర్టల్ భారత ప్రభుత్వ రంగ సంస్థ అయిన సమాచార, సాంకేతిక పరిజ్ఞాన శాఖ, భారత ప్రభుత్వం వారి సహకారంతో ప్రగతి సంగణన వికాస కేంద్రం (సి-డాక్, హైదరాబాద్) వారు దీనిని అభివృద్ధి చేస్తున్నారు.భారత ప్రగతి ద్వారం అనే పధకం ద్వారా దేశ  వ్యాప్తంగా గ్రామీణ, సామాజిక అభివృద్ధికి దోహదంచేసే విధంగా బహుళ భాషా వెబ్ పోర్టల్ ను అభివృద్ధి చేస్తున్నారు. ఈ  వెబ్ పోర్టల్ లో  వ్యవసాయం, ప్రాధమిక విద్య, ఆరోగ్యం, ఇ-పాలన, ఇంధన వనరుల రంగాలకు సంబంధించిన సమాచారాన్ని గ్రామీణ ప్రజలకు అందుబాటులోకి తెచ్చే ప్రయత్నం చేస్తున్నారు.

భారత ప్రగతి ద్వారం  అని పిలువబడే ఈ వెబ్ పోర్టల్ నిజ జీవితంలో అందరికీ అవసరమయ్యే , నమ్మకమైన సమాచార ఉత్పత్తులను, సేవలను గ్రామీణ భారతానికి వారి వారి స్థానిక భాషల్లో అందజేస్తుంది.  ఇంటర్నెట్ వాడకం, ఇతర సమాచార పరిజ్ఞాన ఉపకరణాల వాడకం, జ్ఞానాన్ని పంచుకోవడం ద్వారా ప్రజలు వారి జీవనోపాధులను  మెరుగుపరుచుకోవడానికి  ఈ పోర్టల్ అవకాశం కల్పిస్తుంది. 

ప్రస్తుతానికి భారత ప్రగతి ద్వారం  కొన్ని ముఖ్యమైన అంశాలు - అంటే ఆరోగ్యం(నీరు, పారిశుధ్యంతో సహా), ప్రాథమిక విద్య, వ్యవసాయం, గ్రామీణ శక్తి వనరులు, పరిసరాలు, ఇంకా ఇ-పాలన వంటి అంశాలపై దృష్టి సారిస్తోంది. ఈ వెబ్ పోర్టల్  వల్ల గ్రామీణ ప్రజలకూ, ప్రభుత్వానికీ, తదితర సంస్థలకు, ఇంకా విద్యా సంస్థలకు మధ్య ఉండే అంతరాన్ని బాగా తగ్గించవచ్చు అనేది భారత ప్రగతి ద్వారం భావన. గ్రామీణాభివృద్ధిని సాధించడానికి ప్రజలు, సంస్థలు,  అనుభవజ్ఞులు  నలుమూలల నుంచి పరస్పర సహకారంతో అందరూ పాల్గొని పూర్తి ప్రజాస్వామిక, ప్రజామిత్ర సమాచార సాంకేతిక పరిజ్ఞానాన్ని రూపోందించడమే భారత ప్రగతి ద్వారం అంతిమ లక్ష్యం.

భారత ప్రభుత్వ సమాచార, ప్రసార మంత్రిత్వ శాఖ ఆధ్వర్యంలో ప్రగతి సంగణన వికాస కేంద్రం (సి-డాక్), మార్చి 1988 లో శాస్త్ర, సాంకేతిక సంస్థగా ఏర్పడినది. సి-డాక్ ఒక పరిశోధన మరియు అభివృద్ది సంస్థ. ఇది ఎలక్ట్రానిక్స్, ప్రగతి ఇన్ఫర్మేషన్ టెక్నాలజీతో పాటు పరమ్ వంటి సూపర్ కంప్యూటర్లకు సంబంధించిన వివిధ ఉత్పత్తులు, పరిష్కారాలను రూపకల్పన చేయడం, అభివృద్ది చేయడం మరియు వాటిని ఉపయోగంలోకి తీసుకు రావడం చేస్తుంది. సి-డాక్ హైదరాబాద్ ఇ-సెక్యూరిటీ, ఇ-లెర్నింగ్, సప్లై చెయిన్ మేనేఙ్ మెంట్, ఓపెన్ సోర్స్ సాప్ట్ వేర్ , వి.యల్.యస్.ఐ మరియు సిస్టమ్స్ డిఙైన్ వంటి వాటి పైన పరిశోధనలు చేస్తుంది.


రైతులకోసం e-వ్యవసాయం

 ఇన్ఫర్మేషన్ టెక్నాలజీ ప్రతిఫలాలను రైతులకు కూడా అందించే సదుద్దేశంతో అంధ్రప్రదేశ్ ప్రభుత్వ వ్యవసాయశాఖ వారు రైతుల కోసం ఒక వెబ్ సైటుని రూపొందించారు.ఎపిఅగ్రిస్ నెట్ అనే ఈ సైటులో రైతులకు ఉపయోగపడే భూసార పరిక్షల  వివరాలు,పంటల సాగులో మెళుకువలు,పంటలకు వాడవలసిన ఎరువులు,రైతుల అనుభవాలు,ఎరువుల ధరలు వంటి అనేక విషయాలను తెలుగులో అందుబాటులో ఉంచారు.

మీ కంప్యూటరులో సంపూర్ణమైన మీడియా సెంటర్ అనుభవం కోసం

 మీ కంప్యూటరుని సంపూర్ణమైన మీడియా సెంటర్ గా మార్చుకోవాలంటే మీరు తప్పనిసరిగా XBMC మీడియా సెంటర్ ని ఇన్ స్టాల్ చేసుకోవలసిందే. XBMC మీడియా సెంటర్ ఉచితంగా లభించే స్వేచ్ఛా సాఫ్ట్వేర్. ఇది లాభాపేక్ష లేని కార్యకర్తల సమూహంచే స్వచ్ఛందంగా అభివృధ్ది చేయబడినది. వాణిజ్య మీడియా సెంటర్ సాఫ్ట్వేర్లు కూడా దీని ముందు దిగదుడుపే. అన్ని రకాల ఆపరేటింగ్ సిస్టములలో ఇన్ స్టాల్ చేసుకోవచ్చు. అన్ని రకాల మీడియా ఫార్మాట్లకు మద్దతు గలదు. సంగీతం, సినిమాలు మరియు ఫొటోలను వివిధ మూలాల నుండి(రిమూవబుల్ మీడీయా, హార్డ్ డిస్క్, నెట్ వర్క్) చూడవచ్చు. మన పనులు సులభతరం చేయడానికి వివిధ రకాల యాడ్ ఆన్ లను కూడా జతచేసుకోవచ్చు.




డివిడిలు రిప్, విడియోలు కన్వర్ట్ చేయడానికి

 డివిడిలు రిప్ చేయడానికి, విడియోలు కన్వర్ట్ చేయడానికి హేండ్ బ్రేక్ అనే ఉచిత స్వేచ్చా సాప్ట్వేర్ ఉపయోగపడుతుంది. ఇది విండోస్,మాక్ మరియు లినక్స్ ఆపరేటింగ్ సిస్టముల పై పనిచేస్తుంది.దీనిని ఉపయోగించి సీడీ, డివిడి మరియు బ్లూరే డిస్కులు రిప్ చేసుకోవచ్చు.అంతేకాకుండా ఐఫోన్, ఆపిల్ టీవి, ఐపాడ్, ఆండ్రాయిడ్ మరియు నోకియా ఫోన్లకు సరిపడు విధంగా వీడియోలను కన్వర్ట్ చేసుకోవచ్చు.



ఉబుంటు వాడువారు క్రింద ఇవ్వబడిన రెండు కమాండ్లను టెర్మినల్ నందు రన్ చెయ్యడం ద్వారా ఇన్ స్టాల్ చేసుకోవచ్చు.
sudo add-apt-repository ppa:stebbins/handbrake-releases

sudo apt-get update && sudo apt-get install handbrake-gtk

లేదా ఇక్కడ నుండి మన ఉబుంటు వెర్షనుకి తగిన .deb ఫైల్‌ని డౌన్లోడ్ చేసుకొని ఇన్‌స్టాల్ చేసుకోవచ్చు. విండోస్, మాక్ మరియు ఇతర లినక్స్ ఆపరేటింగ్ సిస్టములు వాడుతున్నవారు ఇక్కడ నుండి ఉచితంగా డౌన్‌లోడ్ చేసుకోవచ్చు.

మైక్రోసాఫ్ట్ సాఫ్ట్వేర్లు ఉచితం , ఆంధ్రప్రదేశ్ కి మాత్రమే!

ఆంధ్రప్రదేశ్ కి మా సాఫ్ట్వేర్లు ఉచితం - మైక్రోసాఫ్ట్

ఆంధ్రప్రదేశ్ దెబ్బకు మైక్రోసాఫ్ట్ దాసోహం

ఆంధ్రప్రదేశ్ సేవలను గుర్తించిన మైక్రోసాఫ్ట్

ఆంధ్రప్రదేశ్ సేవలకు మైక్రోసాఫ్ట్ ప్రతిఫలం

ఆంధ్రప్రదేశ్ ని ఆధర్శంగా తీసుకోవాలని ప్రపంచ దేశలకు మైక్రోసాఫ్ట్ హితవు

ఆంధ్రప్రదేశ్ ని బంగారు భాగస్వామి అవార్డుతో సత్కరించిన మైక్రోసాఫ్ట్

పైరేటెడ్ సాఫ్ట్వేర్ కి ఆంధ్రప్రదేశ్ సెలవు




 హైదరాబాద్, రెడ్ మండ్, రేపటి వార్త : ఆంధ్రప్రదేశ్ యొక్క సేవలను గుర్తించిన ప్రముఖ సాఫ్ట్వేర్ ధిగ్గజం మైక్రోసాఫ్ట్ ఇప్పటి నుండి తన సంస్థ తయారు చేసే సాఫ్ట్వేర్ ఉత్పత్తులను ఆంధ్రప్రదేశ్ కి ఉచితంగా అందిస్తున్నట్లు ప్రకటించినది. అంతేకాకుండా ఆంధ్రప్రదేశ్ ని బంగారు భాగస్వామి అవార్డుతో సత్కరించినది. ఈ సంధర్బాన్ని పురశ్కరించుకొని నిన్న జరిగిన సమావేశంలో మైక్రోసాఫ్ట్ సంస్థ నేత ఈ విషయాన్ని ప్రకటించారు. చిత్త సుద్దితో మైక్రోసాఫ్ట్ సాఫ్ట్వేర్ ఉత్పత్తులను వాడినందుకు మరియు ప్రచారం కల్పించడంలోను రాష్త్రం యొక్క చొరవను పలువురు వక్తలు ప్రశంసించారు. ఆంధ్రప్రదేశ్ ని ఆధర్శంగా తీసుకోవాలని ప్రపంచ దేశలకు మైక్రోసాఫ్ట్ హితవు పలికింది. మన తరుపున పలానా మాట్లాడుతు చిన్నప్పటి నుండి ప్రజలు మైక్రోసాఫ్ట్ సాఫ్ట్వేర్లు వాడే విధంగా పాఠశాల స్థాయి నుండి ఏవిధంగా ఏర్పాట్లు చేసారో వివరించారు.



కలలా ఉన్నా మన కృషికి ఇదే సరయిన ఫలితం. తొందరలో జరుగుతుందని ఒక చిన్న ఆశ.



ఉబుంటు లో తెలుగు

 ఉబుంటు కూడా చాలా స్వేచ్చా సాప్ట్ వేర్ ల మాదిరిగానే తెలుగు మరియు ప్రపంచ వ్యాప్తంగా ఉన్న ఇతర స్థానిక భాషలకు కూడా మద్దతునిస్తుంది.ఉబుంటు లో తెలుగు చూడవచ్చు,వ్రాయనువచ్చు మరియు ఉబుంటు ను తెలుగు లో వాడుకోవచ్చు.

తెలుగు చూడడానికి:

 చాలా వెబ్ సైట్లు,యునికోడ్ లో ఉన్న వెబ్ సైట్లు ఎటువంటి ఇబ్బంది లేకుండా చూడవచ్చు.కొన్ని వార్త పత్రికలు సొంత ఫాంట్లను వాడుతుంటాయి.వాడుకరి సహాయార్ధం వారు ఫాంట్లను డౌన్ లోడ్ చేసుకోవడానికి అందుబాటు లో ఉంచుతారు.ఆ ఫాంట్ ని డౌన్ లోడ్ చేసుకొని దానిని తెరచినపుడు క్రింది విధంగా కనిపించును.
ఉబుంటు లో ఫాంట్ ఇన్ స్టాల్ చేయడానికి ఉదాహరణ
ఇన్ స్టాల్ ఫాంట్ ని నొక్కినపుడు ఫాంట్ మన కంప్యుటర్ నందు ఇన్ స్టాల్ అవుతుంది.అపుడు ఫైర్ ఫాక్స్ ని తిరిగి ప్రారంభించినపుడు ఆయా సైట్ వెబ్ పేజీలు మనకు సరిగా కనిపించును.

తెలుగు లో వాడుకోవడానికి:

 మొదట తెలుగు భాషకు మద్దతు ని ఇన్ స్టాల్ చేసుకోవాలి.ఉబుంటు లాంచర్ నందుగల  System Settings ని తెరచి Language Support లోనికి వెళ్లి తెలుగు భాషకు మద్దతు ని ఇన్ స్టాల్ చేసుకోవచ్చు.

మొదటిసారి Language Support ని తెరచినపుడు క్రిందివిధంగా అడుగుతుంది.

 ఇన్ స్టాల్ ని నొక్కిన తరువాత పాస్ వర్డ్ అడుగును.పాస్ వర్డ్ ని ఇవ్వగానే డౌన్ లోడ్ చేసుకొని,ఇన్ స్టాల్ చేసుకొని క్రింది విండో తెరవబడును.
 Install/Remove Languages ని నొక్కినపుడు మరొక విండో తెరవబడును.అక్కడ తెలుగు ని ఎంచుకొని Apply Changes ని నొక్కినపుడు తెలుగు భాషకు మద్దతు మన కంప్యుటర్ లో స్థాపించబడును.

ఉబుంటు ఆపరేటింగ్ సిస్టంని  తెలుగులో కూడా వాడుకోవచ్చు.పైన చూపించిన విధంగా తెలుగు భాషకు మద్దతు ని ఇన్ స్టాల్ చేసుకోన్న తరువాత Language Support లోనికి వెళ్లి అక్కడ చూపించబడిన భాషలలో తెలుగును లాగి (డ్రాగ్ చేసి) ప్రాధాన్యత క్రమం లో మొదట ఉంచవలెను.
 ఆ తరువాత సిస్టం ని లాగ్ అవుట్ చేసి మరలా లాగిన్ కావాలి.అప్పుడు క్రింది చిత్రాలలో చూపించినట్లు మెనూ మరియు డాష్ లో తెలుగు కనిపించును.
తెలుగులో మేనూలు
తెలుగులో డాష్
 ఉబుంటు ని తెలుగులో ఉపయేగిస్తున్నపుడు అక్కడక్కడా ఇంగ్లీష్ లో కనిపించును.ఇంకనూ వాటి అనువాదాలు పుర్తికాకపోవడం వలన ఈవిధంగా కనిపించును.ఈ అనువాద పక్రియలో మీరు కూడా పాలుపంచుకోవచ్చు.ఇక్కడ  మనం ఇప్పటికే అనువాదాలు చేస్తున్న ఒత్సాహికులను చూడవచ్చు,మనం కూడా వీరితో చేరి అనువాదాలు చేయవచ్చు.

తెలుగు వ్రాయడానికి: 

 System Settings లో ఉన్న Keyboard ని తెరిచి Layout Settings లోకి వెళ్ళాలి.  
 + ని నొక్కడం ద్వారా మరొక విండో తెరవబడును.అక్కడ పెట్టెలో తెలుగు అని టైప్ చేసినపుడు పైన పెట్టెలో తెలుగు కనిపించును.Add ని నొక్కినపుడు ప్యానల్ లో కీబోర్డ్ గుర్తుని చూపించును.అక్కడ నుండి మనం ప్రతిసారి కీబోర్డ్ లేఅవుట్ ని మార్చుకోవచ్చు.ప్యానల్ లో కీబోర్డ్ గుర్తుని నొక్కి తెలుగు ను ఎంచుకొని తెలుగు లో టైప్ చేసుకోవచ్చు.
తెలుగు కీబోర్డ్ లేఅవుట్
ఉబుంటు లో తెలుగు టైప్ చేయడానికి కావలసిన మరింత సమాచారాన్ని ఇక్కడ చూడండి.

తెలుగు వీర లేవరా..

 ఏ దేశమేగినా,ఎందు కాలిడినా మన తెలుగువారు లేని ప్రదేశము లేదంటే అతిశయోక్తి కాదేమో.జీవన అవకాశాల కోసం వివిధ దేశాలకు వెళ్ళి,వెళ్ళిన చోట తమ కష్టించే తత్వం మరియు ప్రతిభా పాటవాలతో అనతి కాలంలోనే ప్రత్యేక గుర్తింపు తెచ్చుకోవడంలో తెలుగు వారికి సాటి లేదు.ఈరోజుల్లో ప్రపంచంలో ప్రసిధ్ధి చెందిన ఏ ప్రాజెక్టును తీసుకున్నా వాటిలో తెలుగు వారి పాత్ర లేని ప్రాజెక్టు మనకు కనిపించదు.అలాగే సాఫ్ట్వేర్ రంగంలో కూడా మన వారు ఎన్నో ఉన్నత శిఖరాలని అధిరోహించినారు.మన వారు తయారు చేసిన సాఫ్ట్వేర్లు,వారి సేవలు లేని దేశాలు బహుషా లేకపోవచ్చు.ఇన్ని విశిష్టతలు గల మనం స్వేచ్చా సాఫ్ట్వేర్ల వినియోగం మరియు వాటి అభివృధ్ధిలో గణనీయంగా వెనకబడి ఉన్నాం అని చెప్పడంలో సంధేహం లేదు.ఎందుకో మనలో స్వేచ్చా,ఉచిత సాఫ్ట్వేర్లంటే కొంత చిన్న చూపు ఉందని అనిపిస్తుంది.సమాజం కొరకు సమాజమే సాఫ్ట్వేర్లు తయారు చేసుకొని తిరిగిసమాజమే వాటిని ఉచితంగా వాడుకోవడం వలన ప్రజల,ప్రభుత్వాల సొమ్ము ఎంత ఆదా అవుతుంది.ఒక్క కేరళ లోనే కేవలం పాఠశాలల విషయం లోనే స్వేచ్చా,ఉచిత సాఫ్ట్వేర్లు వాడడం వలన కొన్ని కోట్ల విలువైన ప్రజాధనం ఆదా అయితే ఇక పూర్తి భారతదేశం విషయానికి వస్తే మరెంత ఆదా అవుతుంది.కేవలం అవగాహన లేకపోవడం వలన చాలా మంది వ్యక్తిగత ధనం కూడా వృధా చేసుకుంటున్నారు. నిధానంగా సాగుతున్న  స్వేచ్చా,ఉచిత సాఫ్ట్వేర్ల అభివృద్ధి తెలుగువారి ప్రవేశంతో వేగవంతమవుతుందని నా బలమైన నమ్మకం.కనుక తెలుగు సాఫ్ట్వేర్ వీరులారా సొంత లాభం కొంత మానుకోకుండా కొంత సమయం మాత్రమే కేటాయించి సరికొత్త సాఫ్ట్వేర్ విప్లవంలో మీరుకూడా పాలుపంచుకోండి.